မိူဝ်ႈၽွင်း ၵၢၼ်သိုၵ်းၵၢၼ်မိူင်း ၼႂ်းၸိုင်ႈတႆးပွတ်းႁွင်ႇ တိုၵ်ႉသုၵ်ႉယုင်ႈပဵၼ်ပၢင်တိုၵ်း လႄႈ ပေႃႈမႄႈၵူၼ်းမိူင်း လူဝ်ႇၼႅတ်ႈဢဝ်ၼႅတ်ႈသိမ်း ၶူဝ်းၽုၵ်ႇၶူဝ်းသွမ်ႈ မၢၵ်ႇၶဝ်ႈ တဝ်ႈၼမ်ႉၼၼ်ႉ ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇပႃႇတီႇမႂ်ႇသုင်ႇၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸိူဝ်းဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈၽႂ်မၼ်းၵေႃႈ ၼႅတ်ႈၸွႆႈထႅမ်ပေႃႈမႄႈ ၵူၼ်းမိူင်း ၼႂ်း ပိုၼ်ႉတီႈ ၼႅတ်ႈဢဝ်ၼႅတ်ႈသိမ်းမၢၵ်ႇၶဝ်ႈတဝ်ႈၼမ်ႉယူႇယဝ်ႉ။
မိူဝ်ႈဝၼ်းထီႉ 15/16-11-2023 ၶၢဝ်းတၢင်း(2) ဝၼ်း ၼၼ်ႉ ၵေႃႉသိုၵ်းႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA လႆႈ ဢွၼ် ၵၼ် ၸွႆႈထႅမ် ၵၢၼ်ပေႃႈမႄႈၵူၼ်းမိူင်း တႃႇႁႅင်း ၵူၼ်းသိုၵ်း(31) ၵေႃႉ ၸွႆႈပၢတ်ႇၶဝ်ႈၼႃးပၼ် လုင်းယီႈ + ပႃႈၵျႃႇ ပွၵ်ႉမၢႆ(4) ၸေႈဝဵင်းမိူင်းၵိုင် ၊ ႁႅင်း ၵူၼ်းသိုၵ်းထႅင်ႈ (10) ၵေႃႉ လႆႈၵႂႃႇ ၸွႆႈပုမ်ႇၶဝ်ႈၼႃးပၼ် လုင်းသၢင်ႇသိုဝ်ႉ + ပႃႈၼၢင်း ၊ လုင်းသၢင်ႇၵေႃႇ + ပႃႈၸိင်ႇ ဝၢၼ်ႈၵုင်းမူင်ႈ ဢိူင်ႇဝၢၼ်ႈသႃႇလူင် ထုင်ႉမိူင်း ယဵၼ် ၸေႈဝဵင်းၼမ်ႉတူႈ ၊ ႁႅင်းၵူၼ်းသိုၵ်း (4) ၵေႃႉ လႆႈၵႂႃႇ ၸွႆႈ ပၢတ်ႇၶဝ်ႈပၼ် ပႃႈလႅင် ဝၢၼ်ႈပဵင်းၺွင်ႇ ဢိူင်ႇပုင်ႇလႅၼ်း ၸေႈဝဵင်းသီႇပေႃႉ ၊ ႁႅင်းၵူၼ်းသိုၵ်း (22) ၵေႃႉ ၸွႆႈပၢတ်ႇၶဝ်ႈၼႃးပၼ် လုင်းသေႃး + ပႃႈပေး ဝၢၼ်ႈပႃႇၵၢင်း ဢိူင်ႇပၢင်သၢင်း ၸေႈဝဵင်းလၢႆးၶႃႈ ၸဵမ်ၸိူဝ်းၼႆႉယူႇယဝ်ႉ။
