ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၸွႆႈထႅမ်ၶဝ်ႈၼမ်ႉတၢင်းၵိၼ် ပၼ် တႃႇၵူၼ်းမိူင်း ၸိူဝ်းပၢႆႈၽေးပၢင်တိုၵ်း ၼႂ်းၸေႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ။
မိူဝ်ႈဝၼ်းထီႉ 24/10/2023 ၼၼ်ႉ ယူႇတီႈ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၼႂ်းၼႃႈတီႈ ဢုပ်ႉပိူင်ႇ ၸေႈဝဵင်းမၢႆ(19) သီႇပေႃႉ ၸေႈတွၼ်ႈ မၢႆ(11) တၢင်တူဝ် ၽူႈ ၸတ်းၵၢၼ်ၸေႈဝဵင်းဢွၼ် ႁူဝ်သေ လႆႈၵႂႃႇၸွႆႈထႅမ်ပၼ် ၶဝ်ႈၼမ်ႉတၢင်းၵိၼ် တႃႇ ၵူၼ်းပၢႆႈၽေးပၢင်တိုၵ်း ဢၼ်မႃးသွၼ်ႈသဝ်းဝႆႉတီႈ ဝတ်ႉ ၵျွင်းဝၢၼ်ႈၵၢင်ႉမေႃႇ ဢၼ်မီးၵူၼ်းပၢႆႈၽေး (792) ၵေႃႉ လႆႈၸွႆႈထႅမ် ၶဝ်ႈသၼ် (5) ပွတ်း တူဝ်ငိုၼ်း (300,000) သၢမ်သႅၼ်ၵျၢပ်ႈ ၊ တီႈဝတ်ႉၵျွင်းဝၢၼ်ႈၸၢမ်ၽိူၵ်ႇ ဢၼ်မီးၵူၼ်းပၢႆႈၽေး (201) ၵေႃႉ လႆႈၸွႆႈထႅမ် ၶဝ်ႈသၢၼ်(2) ပွတ်း တူဝ်ငိုၼ်း(150,000) ၼိုင်ႈသႅၼ်ႁႃႈမိုၼ်ႇၵျၢပ်ႈ ၊ ဝတ်ႉၵျွင်းၼွၵ်ႈၵၢတ်ႇ ဢၼ်မီးၵူၼ်းပၢႆႈၽေး (264)ၵေႃႉ လႆႈၸွႆႈထႅမ် ၶဝ်ႈသၢၼ် (3) ပွတ်း တူဝ်ငိုၼ်း (200,000) သွင်သႅၼ်ၵျၢပ်ႈ ၊ ဝတ်ႉၵျွင်းပၢၼ်ႇတႃႇ ဢၼ်ၵူၼ်းပၢႆႈ ၽေး) မီး (205) ၵေႃႉ လႆႈၸွႆႈထႅမ် ၶဝ်ႈသၢၼ်(2)ပွတ်း တူဝ်ငိုၼ်း (150,000) ၼိုင်ႈသႅၼ်ႁႃႈမိုၼ်ႇၵျၢပ်ႈ ၊ ဝၼ်ႉၵျွင်း ၽူဝ်းတေႃႇ ၵူၼ်းပၢႆႈၽေးမီး(207)ၵေႃႉ လႆႈၸွႆႈထႅမ်ၶဝ်ႈသၢၼ် (2) ပွတ်း တူဝ်ငိုၼ်း(150,000) ၼိုင်ႈသႅၼ်ႁႃႈမိုၼ်ႇၵျၢပ်ႈ ၊ ဝတ်ႉၵျွင်းၵၢင်ဝဵင်း ၵူၼ်းပၢႆႈၽေးမီး (105) ၵေႃႉ လႆႈၸွႆႈထႅမ်ၶဝ်ႈသၢၼ် (2) ပွတ်း တူဝ် ငိုၼ်း (150000) ၼိုင်ႈသႅၼ်ႁႃႈမိုၼ်ႇၵျၢပ်ႈ ၵူၼ်းပၢႆႈၽေး ႁူမ်ႈတၢင်းမူတ်းမီး(1569) ၵေႃႉ လႄႈ ႁူမ်ႈ တၢင်းမူတ်း ဢၼ်လႆႈၸွႆႈထႅမ် ၶဝ်ႈသၢၼ်(16)ပွတ်း တူဝ်ငိုၼ်း (1,100,000) သိပ်းဢဵတ်းသႅၼ် ၸဵမ်ၸိူဝ်းၼႆႉ ယူႇယဝ်ႉ။
ၼႂ်းၶၢဝ်းတၢင်း ၼိုင်ႈလိူၼ် ဢၼ်တပ်ႉသိုၵ်းၸုမ်းဢူၺ်းလီ (3) ၸုမ်း မိူၼ်ၼင်ႇ တပ်ႉသိုၵ်းတဢၢင်း TNLA ၊ တပ်ႉသိုၵ်းၵဝ်ႈၵၢင်ႉ MNDAA ၊ တပ်ႉသိုၵ်းရၶႅင်ႇ AA ၶဝ် ပိုတ်ႇ ၼႃႈသိုၵ်း ၶဝ်ႈလေႃႇတိုၵ်းၶွင်ႇ သီႇသိုၵ်းမၢၼ်ႈ ၼႂ်းၸိုင်ႈတႆးပွတ်းႁွင်ႇ မိူၼ်ၼင်ႇ ၼႂ်းၸေႈဝဵင်းလႃႈသဵဝ်ႈ ၊ သႅၼ်ဝီ ၊ ၵူတ်ႉၶၢႆ ၊ ၵုၼ်လူင် ၊ ႁူဝ်ပၢင်ႇ ၊ လၢဝ်ႇၵၢႆႇ ၊ မူႇၸေႈ ၊ ပၢင်ႇသၢႆး ၊ ၼမ်ႉၶမ်း ၊ သီႇပေႃႉ ၊ ၵျွၵ်ႉမႄး ၊ ၼွင်ၶဵဝ် ၊ ဝၢၼ်ႈတူင်ႈ ၸဵမ် ၸိူဝ်းၼႆႉ သေ ႁဵတ်းႁႂ်ႈမၢၵ်ႇလူင် တူၵ်းတိူဝ်ႉၺႃးၵူၼ်းမိူင်း မီးလွင်ႈမၢတ်ႇၸဵပ်းလူႉတၢႆ ၊ ႁိူၼ်းယေး ၶူဝ်း ၶွင်လႆႈလူႉသုမ်း ၵူၼ်းမိူင်းၼႂ်း ပိုၼ်ႉတီႈ ၼပ်ႉ ႁူဝ်မိုၼ်ႇ လႆႈဢွၼ်ၵၼ်ပၢႆႈၽေးပၢင်တိုၵ်း ယူႇယဝ်ႉ။#shanstateprogressparty
#shanstatearmy #SSPP
#SSA
#ပႃႇတီႇမႂ်ႇသုင်ၸိုင်ႈတႆး
#တပ်ႉသိုၵ်းၸိုင်ႈတႆး
#ၸွႆႈထႅမ်ၵူၼ်းပၢႆႈၽေး
