ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ဢၼ်တူၵ်းပုၼ်ႈၽွၼ်း ၼႂ်းၼႃႈတီႈဢုပ်ႉ ပိူင်ႇ ၸေႈဝဵင်းမၢႆ(24) ၵျွၵ်ႉမႄးၼၼ်ႉ ၸွႆႈထႅမ် ၶဝ်ႈသၢၼ် တီႈပေႃႈမႄႈၵူၼ်းမိူင်း ၸိူဝ်းပၢႆႈၽေးပၢင်တိုၵ်း ၼႂ်းၸေႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ။
မိူဝ်ႈဝၼ်းထီႉ 17 /11/2023 ၼၼ်ႉ ယူႇတီႈၽူႈမီးပုၼ်ႈ ၽွၼ်းၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၼႃႈတီႈဢုပ်ႉပိူင်ႇ ၸေႈဝဵင်းမၢႆ(24) ၵျွၵ်ႉမႄးၼၼ်ႉ လႆႈ ၵႂႃႇလူႇတၢၼ်း ၸွႆႈထႅမ် ၶဝ်ႈသၢၼ် တႃႇၸဝ်ႈသၢင်ႇၶႃႇ လႄႈ ပေႃႈမႄႈၵူၼ်းမိူင်း ၸိူဝ်းပၢႆႈၽေးပၢင်တိုၵ်း ၼႂ်း ၸေႈဝဵင်းၵျွၵ်ႉမႄး မိူၼ်ၼင်ႇ တီႈဝတ်ႉၵျွင်း ဝၢၼ်ႈၶိူဝ်းၼိမ်း ဢၼ်မီးသၢင်ႇၶႃႇၸဝ်ႈ (20) ပႃး ၵူၼ်းမိူင်းပၢႆႈၽေး (75) ၵေႃႉၼၼ်ႉ လႆႈလူႇတၢၼ်း ၸွႆႈထႅမ် ၶဝ်ႈသၢၼ်(4) ပွတ်း ၊ ၵျွင်းမုၼ်ၸဝ်ႈဝၢၼ်ႈၽီတိုတ်ႉ ဢၼ်မီးသၢင်ႇၶႃႇ ၸဝ်ႈ (41) ပႃး ပေႃႈမႄႈၵူၼ်းမိူင်း (113) ၵေႃႉ လႆႈလူႇတၢၼ်း ၸွႆႈထႅမ်ၶဝ်ႈသၢၼ် (5) ပွတ်း ၊ တီႈဝတ်ၵျွင်း ဝၢၼ်ႈလုၵ်းပႃ ဢၼ်မီးသၢင်ႇၶႃႇၸဝ်ႈ (32) ပႃး ပေႃႈမႄႈ ၵူၼ်းမိူင်း (81) ၵေႃႉ လႆႈလူႇတၢၼ်းၸွႆႈထႅမ် ၶဝ်ႈသၢၼ် (5) ပွတ်း ၊ တီႈဝတ်ႉၵျွင်းမုၼ်ၸဝ်ႈ ဝၢၼ်ႈၵုင်းၺွင်ႇ ဢၼ်မီးၵူၼ်းပၢႆႈၽေး (200) ၵေႃႉ လႆႈၸွႆႈထႅမ် ၶဝ်ႈသၢၼ် (6) ပွတ်း ၸဵမ်ၸိူဝ်းၼႆႉယူႇယဝ်ႉ။
ၸိူဝ်းဢၼ်ပၢႆႈၽေးပၢင်တိုၵ်း မႃးသွၼ်ႈသဝ်းယူႇဝႆႉတီႈ ဝတ်ႉၵျွင်းမုၼ်ၸဝ်ႈ (4) ၵျွင်းၼႆႉ ၵမ်ႈၼမ်ပဵၼ်ၸဝ်ႈသၢင်ႇ ၶႃႇ လႄႈပေႃႈမႄႈၵူၼ်းမိူင်း တီႈဝတ်ႉၵျွင်း/တီႈဝၢၼ်ႈ ဝၢၼ်ႈၵွင်းမူးလႅင်၊ ဝၢၼ်ႈပၢင်ႇတိုင်၊ ဝၢၼ်ႈပၢင်တီး၊ ဝၢၼ်ႈတၢင်းၽေ၊ ဝၢၼ်ႈၵျွင်းၵုင်း၊ ဝၢၼ်ႈၵွင်းလၢင်း ၊ ဝၢၼ်ႈၼွင်ပဵတ်း ၸဵမ်ၸိူဝ်းၼႆႉ ယူႇယဝ်ႉ။#shanstateprogressparty
#shanstatearmy #SSPP #SSA
#ပႃႇတီႇမႂ်ႇသုင်ၸိုင်ႈတႆး
#တပ်ႉသိုၵ်းၸိုင်ႈတႆး
#ၸွႆႈထႅမ်ၵူၼ်းပၢႆႈၽေး
#ၸေႈဝဵင်းၵျွၵ်ႉမႄး
