နိုဝင်ဘာ ၂၂ ရက်ရှမ်းပြည်နယ်မြောက်ပိုင်း နမ့်ခမ်းမြို့နယ်ရှိ စစ်ကောင်စီတပ်စခန်း (စခန်းသစ်) ကို တအာင်း တပ်မေတာ် TNLA အင်အား (၂၀၀) ခန့်က စခန်းသိမ်း တိုက်ပွဲထပ်မံဆင်နွှဲခဲ့လို့ နှစ်ဖက်ထိတွေ့တိုက်ပွဲ ပြင်းထန်စွာ ထပ်မံဖြစ်ပွားခဲ့တယ်လို့သိရပါတယ်။

ကနေ့ နိုဝင်ဘာ ၂၂ ရက် နံနက် ၈:၄၀ နာရီအချိန်ကစ တအာင်းတပ်မေတာ် TNLA အင်အား (၂၀၀) ဝန်းကျင် ခန့်က နမ့်ခမ်းမြို့နယ်အတွင်းရှိ စစ်ကောင်စီတပ်စခန်း (စခန်းသစ်) ကို စခန်းသိမ်း တိုက်ပွဲအနေနဲ့ ထပ်မံ ဝင် ရောက်တိုက်ခိုက်ခဲ့ရာ နံနက် ၁၀ နာရီဝန်းကျင်အချိန်ထိ နှစ်ဖက်အပြန်အလှန်တိုက်ပွဲ ဖြစ်ပွားခဲပြီး တိုက်ပွဲ အ တွင်းထိခိုက်ကျရှူံးမူစာရင်းကိုတော့ မသိရသေးပါဘူး။“ ဟုတ်ပါတယ် တိုက်ပွဲပြန်ဖြစ်ပြီ စခန်းသစ်မှာပဲ ပြီးခဲ့တဲ့ နိုဝင်ဘာလ ၁၇ ရက်နေ့ကတည်းက စခန်းသစ်ကို TNLA တပ်ဖွဲ့တွေဝင်တိုက်တာ အဲ့စခန်းကို မရသေးလို့ ဒီနေ့ထပ်တိုက်တာနဲ့တူပါတယ်။

ကျွန်တော်တို့ ပြည် သူတွေတော့ သေတဲ့ဟာကသေ ဒဏ်ရာရတဲ့ဟာကရ ပြေးတဲ့ဟာကပြေးနဲ့ အရမ်းဒုက္ခရောက်နေရတယ်” လို့ နမ့်ခမ်းဒေသခံတစ်ဦးက ဆိုပါတယ်။မနေ့က နိုဝင်ဘာ ၂၁ ရက်နေ့ကလည်း နှစ်ဘက်အပြန် အလှန်လက်နက်ကြီးဖြင့်ပစ်ခတ်မူကြောင့် နမ့်ခမ်းမြို့ နယ် စာရေးတန်း ရပ်ကွက်မှာ လက်နက်ကြီးကျရောက်ပေါက်ကွဲလို့ ၎င်းရပ်ကွက်အတွင်းနေထိုင်သည့် ပြည် သူ အမျိုး သား (၁) ဦး အမျိုးသမီး(၁) ဦး လက်နက်ကြီးကျည်စထိမှန်သေဆုံးကာ (၆) ဦးပြင်းထန်စွာ ဒဏ်ရာ ရရှိပြီး ဒဏ် ရာရ လူနာထဲမှာ (၁၀) နှစ်ဝန်းကျင်ကလေးငယ်တစ်ဦးပါဝင်နေတယ်လို့ သိရပါတယ်။

နမ့်ခမ်းမြို့နယ်က ဖြစ်ပွားခဲ့သည့် တအာင်းတပ်မတော် TNLA နဲ့ စစ်ကောင်စီတို့ တိုက်ပွဲအတွင်း လက်နက် ကြီးကျရောက်ပေါက်ကွဲမူ့ကြောင့် ဒေသခံပြည်သူတစ်ချို့ ထိ ခိုက်သေဆုံးပြီး နေအိမ် အဆောက်အဦး အတော် များများပျက်စီးကာ ဒေသခံပြည်သူ (၃၃၃၇) ယောက် အထိ စစ်ဘေးရှောင် နေရတာဖြစ်ပါတယ်။

ရှမ်းပြည်တိုးတက်ရေးပါတီ ရှမ်းပြည်တပ်မတော် SSPP/SSA အနေနဲ့ စစ်ရှောက်ပြည်သူများအတွက် လိုအပ် သည့် စားသောက်ဖွယ်ရာအကူအညီ နဲ့ ဆေးဝါး ကုသမူ့ အ ကူအညီများကို အတတ်နိုင်ဆုံး ကူညီဆောင်ရွက် ပေးလျှက်ရှိပါတယ်။

ဓါတ်ပုံ – နိုဝင်ဘာလ ၂၁ ရက်နေ့က လက်နက်ကြီးကျည်စ ထိမှန်ခံရသည့်ပြည်သူ နှင့် SSPP မှ နမ့်ခမ်းစစ်ဘေးရှောင်အတွက် အကူအညီပေးသည့်မှတ်တမ်းဓါတ်ပုံ

#shanstateprogressparty

#shanstatearmy

#SSPP #SSA

#ရှမ်းပြည်တိုးတက်ရေးပါတီ

#ရှမ်းပြည်တပ်မတော် #TNLA

#စစ်ကောင်စီ

#စခန်းသိမ်းတိုက်ပွဲ

#စစ်ဘေးရှောင်