ရှမ်းပြည်နယ်မြောက်ပိုင်း တရုတ်-မြန်မာ နယ်စပ်ရှိ နမ့်ခမ်းမြို့နယ် SSPP/SSA ထိန်းချုပ်နယ်မြေတွင်အဆောက်အဦးတစ်ခုအတွင်း အွန်လိုင်းငွေလိမ်လည်လုပ်ငန်များ လုပ်ကိုင်သည့် ကျားဖြန့်ခေါ် အွန်လိုင်းငွေလိမ်ဂိုဏ်း တစ်ခုကို နိုဝင်ဘာ ၂၃ ရက်နေ့မှာ ရှမ်းပြည်တိုးတက်ရေးပါတီရှမ်းပြည်တပ်မတော် SSPP/SSA မှ ဝင် ရောက်ဖမ်းစီးခဲ့တာဖြစ်ပါတယ်။
ဖမ်းစီးရမိသည့်ထဲမှာ တရုတ်နိုင်ငံသား (၈၈) ဦး နှင့် မြန်မာနိုင်ငံသား (၂၈) ဉီး စုစုပေါင်းတရားခံ (၁၁၆) ယောက် နှင့် ဆက်စပ်ပစ္စည်းများဖြစ်သည့် ( Destop Computer ) (၁၄၅) လုံး ၊ ဖုန်း (၂၀၄) လုံး တရုတ်ငွေ (၁၉,၁၅၀) ယွမ် ၊ မီးခံသေတ္တာတစ်လုံး ၊ (Lnad Cuniser) ကားအမျိုးအစားတစ်စီး တို့ ဖြစ်ပြီး ၎င်းတရားခံထဲ မှ တရုတ်နိုင်ငံသား (၈၈) ဦးကို နိုဝင်ဘာ ၂၃ ရက်နေ့မှာပဲ တရုတ်အစိုးရထံ လွဲအပ်ပေးလိုက်ပါတယ်။
ကျန်ရှိနေသေးသည့် မြန်မာနိုင်ငံသား တရားခံ (၂၈) ဦးကို ရှမ်းပြည်တိုးတက်ရေးပါတီရှမ်းပြည်တပ်မတော် SSPP/SSA မှ အမူ့စစ်ဆေးပြီး အရေးယူ သွားမှာ ဖြစ်ပါတယ်။
တရုတ်-မြန်မာနယ်စပ်ရှိ ကျားဖြန့်ခေါ် အွန်လိုင်းငွေလိမ်ဂိုဏ်းတွေကို ယခင်က မကြာခဏဆိုသလို တရုတ်-မြန်မာ ပူးပေါင်းဖမ်းစီးခဲ့ပေမယ့် ၎င်းလုပ်ငန်းများ လျော့ကျလာခြင်းမရှိပဲ ငွေကြေးလိမ်လည်သည့်နေရာမှာ တရုတ်နိုင်ငံသားများကို အဓိက ပစ်မှတ်ထားပြီး ရည်ရွယ်ချက်ရှိရှိ ရာဇဝတ်မူများ ကျုးလွန်ထားသည့် အဖွဲ့ဟု တရုတ်ဘက်မှ ယူဆကာ ကျားဖြန့်ခေါင်းဆောင်ပိုင်းတစ်ချို့ကို နိုဝင်ဘာလအတွင်း ဖမ်းဝရမ်း ထုတ်ထားသည့် အနေအထားထိ ဖြစ်နေပါတယ်။
ရှမ်းပြည်တိုးတက်ရေးပါတီရှမ်းပြည်တပ်မတော် SSPP/SSA တပ်ဖွဲ့မှလည်း မိမိအုပ်ချုပ်ရေးနယ်မြေအတွင်း တရားမဝင်သည့် အွန်လိုင်းငွေလိမ်လုပ်ငန်းများ လုံးဝမရှိစေရေးအတွက် အကယ်၍ ရှိလာပါက လူမျိုး ဘာသာမရွေး ထိရောက်စွာ တားစီးနှိမ်နင်းသွားဖို့ အမိန်ထုတ်ထားပြီးဖြစ်ပါတယ်။
#shanstateprogressparty
#shanstatearmy
#ssppinfo#ကျားဖျန့်
