News

News

Tuesday
July, 16

စစ်သင်တန်းကျောင်းရဲဘော်များနှင့် တစ်ခြားဌာနများ ထုန့်မောဝ်းတွင်ကျဆုံးသွားသောစစ်သည်တော်များအတွက် ၅ ရက်မြောက်ဝမ်းနည်းခြင်းအထိမ်းအမှတ်ပြုလုပ်

နိုဝင်ဘာလ 10 ရက်နေ့ ညပိုင်းမှာ SSPP/SSA ဌာနချုပ်ရှိ စစ်သင်တန်းကျောင်းတွေရဲဘော်များနှင့် အမျိုးသမီးရေးရာအဖွဲ့၊ ပရဟိတကျောင်းသူ ကျောင်းသားများ ၊ ဗိုလ်လောင်းသင်တန်းကျောင်းများ ၊ အရာရှိငယ် နှင့် ရဲဘော်များ စုပေါင်းပြီး ထုန့်မောဝ်တွင် TNLA ဖမ်းဆီးသွားသော အပြစ်မဲ့ပြည်သူတစ်ဦးကို ကယ်ဆယ်ဖို့ သွားနေစဉ် TNLA ရဲ့ ထိတွေ့တိုက်ပွဲကြောင့် ကျဆုံးသွားသော မြို့ နယ်မှူး စိုင်းဆိုင်လျန်းနှင့် ရဲဘော်များအား ရည်စူးပြီး ၅ ရက်မြောက် ဝမ်းနည်းခြင်းအထိမ်းအမှတ်ပြုလုပ်ခဲ့သည်။

ဖြစ်စဉ်ဖြစ်ပွားပုံမှာ နိုဝင်ဘာလ ၇ ရက်နေ့တွင် စယ်လန့်အုပ်စုမှာ နေထိုင်သည့် ရှမ်းလူငယ် ခေါင်းဆောင် စိုင်းမောဝ်အွန်ဆိုသူဟာ TNLA စစ်ကြောင်းကို ဓာတ်ပုံရိုက်တယ်ဟုဆိုကာ TNLA က လာရောက်ဖမ်းဆီးသွား ခဲ့သည်။

ထိုအကြောင်းကို သိပြီးပြီးချင်း စယ်လန့်ဒေသမှာ တာဝန်ယူနေသည့် မြို့နယ်မှူးစိုင်းဆိုင်လျန်းက ဖမ်းဆီးခံရသည့် စိုင်းမောဝ်အွန်ကို ပြန်လွတ်ပေးဖို့ TNLA ကို ဆွေးနွေးညှိနှိုင်းရန် ရဲဘော် ၈ ယောက်နှင့် သွားခဲ့သည်။ ထိုသို့ သွားနေစဉ် ဖိုင်မိုင်ကျေးရွာအရောက်မှာ TNLA ဘက်က လူအင်အား ၁၀၀ ကျော်ဖြင့် ဝိုင်းဝန်းပစ်ခတ်မှုကြောင့် မြို့နယ်မှူး စိုင်းဆိုင်လျန်းနှင့် ရဲဘော် ၂ ဦး အပြစ်မဲ့ပြည်သူကို အကာကွယ်ပြုရင်း မြင့်မြတ်စွာအသက်ပေးခဲ့ရသည်။

မြို့နယ်မှူး စိုင်းဆိုင်လျန်း နဲ့ ရဲဘော် ၇ ဦးဟာ အပြစ်မဲ့ပြည်သူစိုင်းမောဝ်အွန်ကို သွားရောက်ထောက်ခံပြီး ပြန် လည်ခေါ်ဆောင်လာဖို့ ဖိုင်မိုင်ကျေးရွာကို ရောက်စဉ် TNLA က အင်အားအလုံးအရင်းဖြင့် ဝိုင်းဝန်းပစ် ခတ်ခဲ့သဖြင့် ၂ နာရီကြာတိုက်ပွဲဖြစ်ပွားခဲ့ပြီး လက်နက်ချ အ ရှုံးပေးပြီဖြစ်သည့် မြို့နယ်မှူးအပါအဝင်စစ်သုံ့ ပန်း ၂ ဦးကို TNLA ဘက်က လူမဆန်စွာ သတ်ဖြတ်ပစ်ခဲ့သည်။

အပြစ်မဲ့ထုန့်မောဝ် ရှမ်းလူငယ်ခေါင်းဆောင်တစ်ဦးကို ဖမ်းဆီးခြင်းနှင့် SSPP/SSA ၏ စစ်သုံ့ပန်း ၂ဦးကို သတ်ဖြတ်ခြင်းဟာ စစ်ရာဇဝတ်မှုမြောက်သည့်ပြင်လူမဆန်သည့် လုပ်ရပ်ဖြစ်ပြီး ယခုလို TNLA ရဲ့လုပ်ရပ်ကို SSPP/SSA အနေဖြင့် ပြင်းပြင်းထန်ထန် ကန့်ကွက်ရှုံ့ချသည်။#shanstateprogressparty

#shanstatearmy

#ssppinfo

#တိုက်ပွဲ

Find us on

Latest articles

- Advertisement - spot_img

Related articles

ရှမ်းမြောက် မိုင်းရယ်မြို့ကို SSPP/SSA မှ စစ်အင်အား ထောင်နှင့်ချီ ဝင်ရောက် တပ်စွဲ

ရှမ်းပြည်မြောက်ပိုင်း မိုင်းရယ်မြို့နယ် အတွင်း ဒေသတည် ငြိမ်ရေးနှင့် ပြည်သူ့လုံခြုံရေး အတွက် ရည်ရွယ်ပြီး SSPP/SSA မှ စစ်အင်အား ၁၀၀၀ ကျော်သည် ယမန်နေ့ ဇူလိုင်လ ၁၂ ရက်နေ့...

သိုၵ်း RCSS ႁၢင်ႈၵၢင်မၢၵ်ႇသႂ်ႇ SSPP/SSA ထႅင်ႈ (4) ပွၵ်ႈ ၼႂ်း ၸိုင်ႈတႆးပွတ်းၸၢၼ်း

ၼႂ်းလိူၼ် ၵျူၼ်ႇ ပၢတ်ႈ(6) လိူၼ် ၼႆႉၵူၺ်း ၾၢႆႇ RCSS ႁၢင်ႈမၢၵ်ႇသႂ်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်း ၸိုင်ႈတႆး SSPP/SSA ထႅင်ႈ (4) ပွၵ်ႈ ၊ ၵေႃႉသိုၵ်းၵေႃႉႁၢၼ်...

ရှမ်းပြည်မြောက်ပိုင်းတွင် လတ်တ လောဖြစ်ပေါ်နေသော ပြဿနာများနှင့် ပက်သက်၍ SSPP/SSA ၏ သဘော ထား...

ထုတ်ပြန်ကြောညာချက်နှင့်ပတ်သက်ပြီးဆက်သွယ်ရန် ဖုန်းနံပါတ်+95 9406902578ဗိုလ်မှူးစိုင်းဖုန်းဟန် #Shanstateprogressparty #Shanstatearmy #SSPPInfo #သဘောထားထုတ်ပြန်ကြောညာချက် #PSLF #Tnla