ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၸွႆႈထႅမ် ၶဝ်ႈသၢၼ် ၵူၼ်းပၢႆႈၽေးသိုၵ်း လၢႆ လၢႆတီႈ ၼႂ်းၸေႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ။
မိူဝ်ႈဝၼ်းထီႉ 06/11/2023 ၼၼ်ႉ ယူႇတီႈငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA လႆႈ ၵႂႃႇၸွႆႈထႅမ် ၶဝ်ႈသၢၼ် တႃႇၵူၼ်းပၢႆႈၽေးသိုၵ်း ဢၼ်မီးၼႂ်းပိုၼ်ႉတီႈၸေႈဝဵင်းလႃႈသဵဝ်ႈ လၢႆလၢႆတီႈ မိူၼ် ၼင်ႇ တီႈဝတ်ႉၵျွင်းဝၢၼ်ႈသူႈ (30) ထူင် ၊ ဝတ်ႉၵျွင်းဝၢၼ်ႈဢၢႆႇ (10) ထူင် ၊ ဝတ်ႉၵျွင်းႁူဝ်ပိုၵ်ႉ (10) ထူင် ၊ ဝတ်ႉ ၵျွင်းတႃႈပုင်ႇ (10) ထူင် ၊ ဝတ်ႉၵျွင်းမိူင်းတဵမ် (10) ထူင် ၊ ဝတ်ႉ ၵျွင်းႁူဝ်ၼမ်ႉ (15) ထူင် ၊ ဝတ်ႉၵျွင်းၵွင်းၶၢမ် (10) ထူင် ၊ ဝတ်ႉၵျွင်းပၢင်ၼႃး (25) ထူင် ႁူင်းႁဵၼ်းၸိူဝ်ႉၸၢတ်ႈ ဢိူင်ႇမိူင်းယေႃ (20) ထူင် ၊ ဝတ်ႉၵျွင်းၼမ်ႉမႃႉ (10) ထူင်လႄႈ ၵျွင်းဝေႇလုဝုၼ်ႇ ဢိူင်ႇၼမ်ႉပွင်ႈ (10) ထူင် တၢင်းမူတ်းႁူမ်ႈၵၼ် (160) ထူင်ယူႇယဝ်ႉ။
ၵူၼ်းပၢႆႈၽေး ဢၼ်လႆႈပၢႆႈမႃးသွၼ်ႈယူႇဝႆႉၸွမ်းဝတ်ႉၵျွင်း ၼႂ်းၸေႈဝဵင်းလႃႈသဵဝ်ႈ တၢင်းမူတ်းႁူမ်ႈ တေမီး (6000) ႁူၵ်းႁဵင်ၵေႃႉပၢႆ လိူဝ်သေၼၼ်ႉ ယွၼ်ႉငဝ်းလၢႆးပၢင်တိုၵ်းပႆႇမီးလွင်ႈၼိမ်သဝ်းလႄႈ ၵူၼ်းမိူင်းပိုၼ်ႉတီႈ ဢၼ်တေပၢႆႈၽေးပၢင်တိုၵ်းမႃးထႅင်ႈၵေႃႈ မီးထႅင်ႈတၢင်းၼမ်ယူႇ ၼႆယဝ်ႉ။#shanstateprogressparty
#shanstatearmy
#SSPP #SSA
#ပႃႇတီႇမႂ်ႇသုင်ၸိုင်ႈတႆး
#တပ်ႉသိုၵ်းၸိုင်ႈတႆး
#ၸွႆႈထႅမ်ၵူၼ်းပၢႆႈၽေးသိုၵ်း
