ယိူင်းဢၢၼ်းပိူဝ်ႈတႃႇ ၵူၼ်းၼုမ်ႇၼႂ်းမိူင်းတႆး ပေႃးတေၸမ်ၸႂ်မိုတ်ႈၵိုဝ်းၵၼ်လႄႈ တေၵၢင်းယၢၼ်ၽေး ယႃႈမဝ်းၵမ်ၼၼ်ႉၼႆသေ ယူႇတီႈ ၸုမ်းၵူၼ်းၼုမ်ႇ ငဝ်ႈငုၼ်း SSPP/SSA လႆႈဢွၼ်ႁူဝ် ၸတ်းႁဵတ်း ပၢင်လဵၼ်ႈႁႅင်း ၶေႉၶဵင်ႇ ပိတ်ႉမၢၵ်ႇၼင်လွမ်ႈ ၼႆယူႇယဝ်ႉ။

ပၢင်လဵၼ်ႈႁႅင်း ၶေႉၶဵင်ႇ ပိတ်ႉမၢၵ်ႇၼင်လွမ်ႈ ၼႆႉ လႆႈ တႄႇၸတ်းႁဵတ်းမႃး မိူဝ်ႈဝၼ်းထီႉ 24 /09/ 2023 ၼၼ်ႉသေ ဢွင်ႇမၢၼ်ယဝ်ႉတူဝ်ႈၵႂႃႇ ၼႂ်းဝၼ်းထီႉ 26 .10.2023 ၼၼ်ႉလႄႈ ၼႂ်းၼၼ်ႉမီးၸုမ်း ၵူၼ်းၼုမ်ႇပိတ်ႉမၢၵ်ႇၼင်လွမ်ႈ (32) ၸုမ်း ၶဝ်ႈႁူမ်ႈ လဵၼ်ႈႁႅင်း ၶေႉၶဵင်ႇပိတ်ႉမၢၵ်ႇ ၼင်ႇလွမ်ႈ ၸွမ်းၵၼ်ယူႇယဝ်ႉ။

ၼႂ်းပၢင်ၶႄႉၶဵင်ႇလဵၼ်ႈႁႅင်းပိတ်ႉမၢၵ်ႇၼင်လွမ်ႈ ၼၼ်ႉ ၸုမ်းဝၢၼ်ႈႁႆး (ၵ)(FC) လႆႈသူးထီႉ (1) ၊ ၸုမ်း ၵူၼ်းၼုမ်ႇၼမ်ႉလဝ်း (FC) လႆႈသူးထီႉ (2) ၊ ၸုမ်း ၵူၼ်းၼုမ်ႇဝၢၼ်ႈဝႃႉ ဝဵင်းမႂ်ႇဝၢၼ်ႈႁႆး လႆႈသူးထီႉ (3) သေ ယူႇတီႈငဝ်ႈငုၼ်း SSPP/SSA လႆႈယိုၼ်ႈမွပ်ႈပၼ် သူးထီႉ(1) ဢုပ်းၵႅဝ်ၶမ်း ႁူမ်ႈ ငိုၼ်းသူး (2,800,000) သဝ်းပႅတ်ႇသႅၼ် ၵျၢပ်ႈ ၊ သူးထီႉ(2) ငိုၼ်းသူး (2,300,000) သဝ်းသၢမ်သႅၼ်ၵျၢပ်ႈ ၊ သူးထီႉ(3) ငိုၼ်းသူး (1,800,000) သိပ်းပႅတ်ႇသႅၼ်ၵျၢပ်ႈ ၊ ၵႃႈသိူဝ်ႈၶူဝ်း ၼိုင်ႈၸုမ်း (300,000) သၢမ်သႅၼ်ၵျၢပ်ႈ ၊ သူးၶတ်း ၸႂ် ၼိုင်ႈၵေႃႉ (100,000) ၵျၢပ်ႈ လႄႈ လိူဝ်သေ ၼၼ်ႉ လႆႈယိုၼ်ႈမွပ်ႈပၼ် သူးလဝ်ႇ ၸႂ် ၼိုင်ႈၸုမ်းလႂ် (1,300 ,000) သိပ်းသၢမ်သႅၼ်ၵျၢပ်ႈ ၵႂႃႇၵူႈၸုမ်း ယူႇယဝ်ႉ။

ယိူင်းဢၢၼ်း ပိူဝ်ႈတႃႇၵူၼ်းၼုမ်ႇတႆး/ၼႂ်းမိူင်းတႆးႁဝ်း ပေႃးတေမီးလွင်ႈၸမ်ၸႂ်မိုတ်ႈၵိုဝ်းၵၼ်လႄႈ ႁႂ်ႈမေႃ ၽွမ်ႉသဵင်ပဵင်းပၢၵ်ႇၵၼ် ၊ ႁႂ်ႈၵၢင်းယၢၼ်ၽေးယႃႈမဝ်းၵမ် ၸဵမ်ၸိူဝ်းၼႆႉသေ ယူႇတီႈငဝ်ႈငုၼ်းပႃႇတီႇမႂ်ႇသုင် ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၵေႃႈ လႆႈၸတ်းႁဵတ်းပၢင်ၶေႉၶဵင်ႇ လဵၼ်ႈႁႅင်း ပိတ်ႉမၢၵ်ႇၼင်လွမ်ႈမႃး ၵူႈပီႊပီႊ လႄႈ ၼင်ႇႁိုဝ်ၼႂ်းပိုၼ်ႉတီႈ တီႈလႂ် တီႈ ၼၼ်ႈ ပေႃးတေမီးမႃး ပၢင်ၶေႉၶဵင်ႇလဵၼ်ႈႁႅင်းပိတ်ႉမၢၵ်ႇၼင်လွမ်ႈၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႈ ၵႃႈၼင်ႇပွင်ပဵၼ်လႆႈ တေႁူမ်ႈမိုဝ်းၸွမ်း ၸုမ်းၵူၼ်းၼုမ်ႇ ၼႂ်းပိုၼ်ႉတီႈသေ ၶတ်းၸႂ် ၸွႆႈၵၼ် ၶိုင်ပွင် ႁဵတ်းသၢင်ႈၵႂႃႇယူႇယဝ်ႉ။#shanstateprogressparty

#shanstatearmy

#SSPP

#SSA#ပႃႇတီႇမႂ်ႇသုင်ၸိုင်ႈတႆး

#တပ်ႉသိုၵ်းၸိုင်ႈတႆး

#ပၢင်ၶေႉၶဵင်ႇလဵၼ်ႈႁႅင်းပိတ်ႉမၢၵ်ႇၼင်