SSPPInfo
03/10/2023
ယူႇတီႈၽူႈမီးပုၼ်ႈၽွၼ်း တၢင်တူဝ် ၵႅမ်ၽူႈၵွၼ်းတပ်ႉငဝ်ႈသိုၵ်း (959) ဢွၼ်ႁူဝ်ၵေႃႉသိုၵ်းၵေႃႉႁၢၼ် တင်း ပေႃႈမႄႈၵူၼ်းမိူင်းၼႂ်းပိုၼ်ႉတီႈသေ လႆႈႁူမ်ႈၵၼ် မႄးတီႇသဵၼ်ႈတႃႈသၢႆတၢင်း ၼႂ်းဢိူင်ႇဝၢၼ်ႈၸိင်းဢၼ် ပဵၼ်ၼႂ်းၼႃႈတီႈဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၼႂ်းၸေႈဝဵင်းမၢႆ (42) ၸေႈ ဝဵင်းၵေးသီး ၼၼ်ႉယူႇယဝ်ႉ။
မိူဝ်ႈဝၼ်းထီႉ 02/10/2023 ၼၼ်ႉ ယူႇတီႈၽူႈမီးပုၼ်ႈၽွၼ်း ၼႂ်းပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA တၢင်တူဝ် ၵႅမ်ၽူႈၵွၼ်းတပ်ႉငဝ်ႈသိုၵ်း (959) ဢွၼ်ႁူဝ် ၵေႃႉသိုၵ်းၵေႃႉႁၢၼ်လႄႈ ပေႃႈမႄႈၵူၼ်း ၼႂ်းပိုၼ်ႉတီႈ ႁူမ်ႈၵၼ် (85) ၵေႃႉ ၊ ၸွႆႈၵၼ်မႄးတီႇ သဵၼ်ႈတႃႈသၢႆတၢင်း တေႇဢဝ် ဝၢၼ်ႈမိူင်းယၢင်း တေႃႇ ထိုင် ဝၢၼ်ႈၵုင်းယိုဝ်ႉ ဢၼ်တၢင်းၵႆမီး (7) လၵ်း ၼႂ်းဢိူင်ႇဝၢၼ်ႈၸိင်း ၼႃႈတီႈဢုပ်ႉပိူင်ႇပႃႇတီႇမႂ်ႇ သုင်ၸိုင်ႈ တႆးတပ်ႉသိုၵ်းၸိုင်ႈတႆး SSPP/SSA ၸေႈဝဵင်းမၢႆ(42) ၸေႈဝဵင်းၵေးသီးၼၼ်ႉယူႇယဝ်ႉ။
ၵဵဝ်ႇလူၺ်ႈလွင်ႈ ၵၢၼ်ၸွႆႈထႅမ်ပေႃႈမႄႈၵူၼ်းမိူင်းလႄႈသင် တွၼ်ႈတႃႇၼႂ်းပိုၼ်ႉတီႈ တေႁုၼ်ႈမုၼ်းၶိုၼ်ႈယႂ်ႇ ၼၼ်ႉလႄႈသင် ဢိင်ၼိူဝ်ငဝ်းလၢႆး လွင်ႈၼိမ်သဝ်းၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈပွင်ပဵၼ်လႆႈၼၼ်ႉ ယူႇတီႈ ၽူႈမီးပုၼ်ႈၽွၼ်း ဢမ်ႇၼၼ် ၵေႃႉသိုၵ်းၵေႃႉႁၢၼ်ၼႂ်းပိုၼ်ႉတီႈၶဝ် တေၶတ်းၸႂ် ႁူမ်ႈမိုဝ်းၵၼ် တင်း ပေႃႈမႄႈၵူၼ်းမိူင်း လႄႈ ၶိုင်ပွင်ႁဵတ်းသၢင်ႈၵႂႃႇယူႇယဝ်ႉ။
