SSPPInfo
01/10/2023
ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၸိူဝ်းဢၼ်ပၵ်းသဝ်းတူင်ႉၼိုင်ဝႆႉၼႂ်းၼႃႈတီႈၸေႈဝဵင်းၼွင်ၶဵဝ်ၼၼ်ႉ ႁူမ်ႈၵၼ် တင်းပေႃႈမႄႈၵူၼ်းမိူင်း သေ မႄးသဵၼ်ႈတႃႈသၢႆတၢင်း ၼႂ်းပိုၼ်ႉတီႈ။
မိူဝ်ႈဝၼ်းထီႉ30-09-2023ၼၼ်ႉ ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း(4)ၵေႃႉႁူမ်ႈတင်းပေႃႈမႄႈၵူၼ်းမိူင်းသေၸွႆႈၵၼ်မႄး သိူဝ်ႇသၢႆး ၸွမ်းသဵၼ်ႈတႃႈသၢႆတၢင်း ၸိူဝ်းဢၼ်ၵႂႃႇမႃးယၢပ်ႇ ဢၼ်ပဵၼ်သဵၼ်ႈတၢင်း ၼႂ်းဝၢၼ်ႈပၢၼ်ႉပူၺ်းၶျိင်း ဢိူင်ႇပၢၼ်ႉပူၺ်းၶျိင်း ၸေႈဝဵင်းၼွင်ၶဵဝ်ၼၼ်ႉ ယူႇ ယဝ်ႉ။
လွင်ႈၸွႆႈထႅမ်ၵၢၼ်ပၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆးလွင်ႈၼိမ်သဝ်းၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈ ပွင်ပဵၼ်လႆႈၼၼ်ႉ ယူႇတီႈၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA တေသိုပ်ႇၶတ်းၸႂ်ၸွႆႈထႅမ်ၵႂႃႇယူႇယဝ်ႉ။
