ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸိူဝ်းဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈၸေႈဝဵင်းၼွင်ၶဵဝ် ၸွႆႈထုၺ်တၢင်း /မႄးၶႂၢၵ်ႈတၢင်းပၼ် ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ။

မိူဝ်ႈၼႆႉ ဝၼ်းထီႉ22-10-2023 ၼင်ႇႁိုဝ် သဵၼ်တၢင်း​​ပေႃႈမႄႈၵူၼ်းမိူင်းပိုၼ်ႉတီႈ ​​ပေႃး​​တေၵႂႃႇငၢႆႈမႃးလီၼၼ်ႉ ယုႇတီႈၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း၊ ၵူၼ်းမိူင်း ႁူမ်ႈ (12)ၵေႃႉသေ ၵႃးထုၺ်တၢင်း(1) လမ်း ၸွႆႈထႅမ်ပေႃႈမႄႈၵူၼ်းမိူင်း ၸွႆႈထုၺ်တၢင်း/မႄးၶႂၢၵ်ႈသဵၼ်ႈတႃႇသၢႆတၢင်း ၼႂ်းၵႄႈဝၢၼ်ႈလူင်ၶုၵ်ႉ လႄႈ ဝၢၼ်ႈပၢၼ်ႉပူၺ်းၶျႅင်း ဢိူင်ႇပၢၼ်ႇပူၺ်းၶျႅင်း ၸေႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ ၼႆႉယူႇယဝ်ႉ။

လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း မိူၼ်ၼင်ႇ ၵၢၼ်ပၢႆးပိင်ႇၺႃႇ၊ ၵၢၼ်တွၼ်ႈလိၼ်ၶိုၼ်ႈယႂ်ႇ ၸိူဝ်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်းၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈပွင်ပဵၼ်လႆႈၼၼ်ႉ ယူႇတီႈၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင် ၸိုင်ႈတႆး တပ်ႉသိုၵ်းၸိုင်ႈတႆး SSPP/SSAတေသိုပ်ႇ ၶတ်းၸႂ်ၸွႆႈထႅမ်ၵႂႃႇယူႇယဝ်ႉ။#shanstateprogressparty

#ssppinfo

#ၸွႆႈၵၢၼ်ပေႃႈမႄႈၵူၼ်းမိူင်း