ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈၸေႈဝဵင်းၵျွၵ်ႉမႄး ၼၼ်ႉၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႂ်းပိုၼ်ႉတီႈ။
မိူဝ်ႈဝၼ်းထီႉ20-10-2023ၼၼ်ႉ ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁူမ်ႈႁႅင်းၵူၼ်းသိုၵ်း(15)ၵေႃႉ လႆႈၸႅၵ်ႇၵၼ်ႁဵတ်းပဵၼ် (3)ၸုမ်းသေၵႂႃႇၸွႆႈထႅမ်ၵၢၼ်ပေႃႈမႄႈၵူၼ်းမိူင်း ႁႅင်းၵူၼ်းသိုၵ်း(5)ၵေႃႉၸွႆႈထႅမ် ၵၢၼ်ႉ ၶဝ်ႈၵၢပ်ႇ တၢင်ႇၶဝ်ႈၵၢပ်ႇပၼ် လုင်းၺုၼ်ႇၼႃႉ+ ပႃႈ ၸေႃးမိၼ်ႉ ဝၢၼ်ႈလူင်မိူင်း ထႅင်ႈႁႅင်းၵူၼ်းသိုၵ်း (4)ၵေႃႉ ၵႂႃႇ ၸွႆႈဢိတ်ႇၶဝ်ႈၵၢပ်ႇ ပၼ်လုင်းဝီႉ+ပႃႈၶႄႇ ဝၢၼ်ႈၵွင်း ဢိူင်ႇပၢင်ပဝ်း လႄႈထႅင်းႁႅင်းၵူၼ်းတႃႇ(6)ၵေႃႉ လႆႈၵႂႃႇ ၸွႆႈထႅမ်ဢိတ်ႇၶဝ်ႈၵၢပ်ႇ ပၼ်လုင်းမူး+ပႃႈၽိတ်ႈ ဝၢၼ်ႈ ၼႃးသွင်း ဢိူင်ႇႁၢႆးၵုၺ် ၸေႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၼၼ်ႉယူႇယဝ်ႉ။
လွင်ႈလႆႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆးလွင်ႈၼိမ်သဝ်းၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈပွင်ပဵၼ်လႆႈၼၼ်ႉ ယူႇတီႈၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေသိုပ်ႇၶတ်းၸႂ်ၸွႆႈထႅမ်ၵႂႃႇယူႇယဝ်ႉ။
