SSPPInfo
09-10-2023
ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈ ၸေႈဝဵင်းၼမ်ႉတူႈၼၼ်ႉ ၸွႆႈ ၵၢၼ်ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ ။
မိူဝ်ႈဝၼ်းထီႉ 08-10-2023 ၼၼ်ႉၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (5) ၵေႃႉ လႆႈ ၵႂႃႇၸွႆႈၵၢၼ်ပေႃႈမႄႈ ၵူၼ်းမိူင်း ၸွႆႈၵၢၼ်ႉၶဝ်ႈၵၢပ်ႇ ပၼ် ၸၢႆးဢူး + ၼၢင်းၺုၼ်ႉ ဝၢၼ်ႈၵုင်းမူင်ႈ ဢိူင်ႇဝၢၼ်ႈသႃႇလူင် ၊ ႁႅင်းၵူၼ်းသိုၵ်းထႅင်ႈ (6) ၵေႃႉ ႁူမ်ႈပေႃႈမႄႈၵူၼ်း မိူင်းၼႂ်းပိုၼ်ႉတီႈ သေ ဢွၼ်ၵၼ်မႄးသဵၼ်ႈတႃႈသၢႆတၢင်း ႁိမ်းၶူဝ်ၼမ်ႉဢီႇတုမ်ႈ ႁိမ်းဝၢၼ်ႈပၢင်ႇၶမ်း ဢိူင်ႇမိူင်းယဵၼ် ၸေႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇၼႆယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆးလွင်ႈၼိမ်သဝ်း ၼႂ်းပိုၼ်ႉတီႈ ပၼ်သေ ၵႃႈၼင်ႇပွင်ပဵၼ်လႆႈၼၼ်ႉ ယူႇတီႈၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA တေသိုပ်ႇၶတ်းၸႂ်ၸွႆႈထႅမ် ၵႂႃႇယူႇယဝ်ႉ ။
