SSPPInfo
20/09/2023
ယိူင်းဢၢၼ်း ပိူဝ်ႈတႃႇ ပၢႆးတူဝ် ၊ ပၢႆးၸႂ် လုၵ်ႈႁဵၼ်းပေႃးတေၵႅၼ်ႇၶႅင် လႄႈ ပိူဝ်ႈတႃႇပၢႆးယူႇလီ ၊ တႃႇၵၢင်းယၢၼ် ၽေးယႃႈမဝ်းၵမ် ၊ တႃႇမေႃၽွမ်ႉသဵင်ပဵင်းပၢၵ်ႇၵၼ်ၼႆသေ ၸုမ်းၾၢႆႇပၢႆးပိင်ႇၺႃႇ ငဝ်ႈငုၼ်း ပႃႇတီႇမႂ်ႇသုင် ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA လႆႈၸတ်းႁဵတ်း ပၢင်လဵၼ်ႈႁႅင်းၶေႉၶဵင်ႇပိတ်ႉမၢၵ်ႇၼင်လွမ်ႈ ဢွင်ႇ တီႈ ဝၢင်းပိတ်ႉမၢၵ်ႇၼင်လွမ်ႈ ႁူင်း ႁဵၼ်းၼေႃႇတႅၼ်းၶိူဝ်း ၼႆယူႇ ယဝ်ႉ။
မိူဝ်ႈဝၼ်းထီႉ 17/09/2023 ၼႆႉ ယူႇတီႈၸုမ်းၾၢႆႇပၢႆးပိင်ႇၺႃႇ ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်း ၸိုင်ႈတႆး SSPP/SSA ဢွၼ်ႁူဝ်သေ လႆႈၸတ်းႁဵတ်း ပၢင်ၶေႉၶဵင်ႇလဵၼ်ႈႁႅင်း ပိတ်ႉမၢၵ်ႇၼင်လွမ်ႈ ဢွင်ႈတီႈ ဝၢင်းပိတ်ႉမၢၵ်ႇၼင် ႁူင်းႁဵၼ်းၼေႃႇတႅၼ်းၶိူဝ်းသေ ၼႂ်းၼၼ်ႉ မီးၸုမ်းလုၵ်ႈႁဵၼ်း သႅၼ်း ဢႃႇယူႉ(12) ၶူပ်ႇ လူင်းတႂ်ႈ မိူၼ်ၼင်ႇၸုမ်းလုၵ်ႈႁဵၼ်း ႁူင်းႁဵၼ်း ၼေႃႇတႅၼ်းၶိူဝ်း ဝၢၼ်ႈႁႆး ၊ ႁူင်းႁဵၼ်း ၸၼ်ႉသုင် ဝၢၼ်ႈ ႁႆး ၊ ႁူင်းႁဵၼ်း ဝၢၼ်ႈပၢင်ႇလေႃႉ ဢိူင်ႇပၢင်ႇလေႃႉ ၊ ႁူင်းႁဵၼ်း ဝၢၼ်ႈပၢင်ႇဝူဝ်း ဢိူင်ႇၶွၵ်ႈၸၢင်ႉ ၊ ႁူင်းႁဵၼ်း ဝၢၼ်ႈ လူၺ် ဢိူင်ႇဝၢၼ်ႈသေႃႉ ၸေႈဝဵင်း ဝဵင်းမႂ်ႇဝၢၼ်ႈႁႆး ၸိုင်ႈတႆးပွတ်းၸၢၼ်း ၼႆယူႇယဝ်ႉ။
ၼႂ်းပၢင်ၶေႉၶဵင်ႇလဵၼ်ႈႁႅင်းပိတ်ႉမၢၵ်ႇၼင်လွမ်ႈ ၼႆႉ ၸုမ်းလုၵ်ႈႁဵၼ်းၼေႃႇတႅၼ်းၶိူဝ်း ၶေႉၶဵင်ႇလႆႈသူးထီႉ (1/2) ၊ ၸုမ်းလုၵ်ႈ ႁဵၼ်းၸၼ်ႉသုင် ဝၢၼ်ႈႁႆး ၶေႉၶဵင်ႇလႆႈသူးထီႉ (3) ၊ လိူဝ်သေၼၼ်ႉ ၸုမ်းလုၵ်ႈ ႁဵၼ်း ၶေႉ ၶဵင်ႇပိတ်ႉမၢၵ်ႇၼင်လွမ်ႈ ၵူႈၸုမ်းၸုမ်း လႆႈႁပ်ႉသူးလဝ်ႇၸႂ်ၵႂႃႇသေ လႆႈၸတ်းႁဵတ်းဢွင်ႇမၢၼ် ယဝ်ႉတူဝ်ႈၵႂႃႇ ၼႂ်း ဝၼ်းထီႉ 21/09/2023 ၼၼ်ႉယူႇယဝ်ႉ။
