ၶွင်ႇသီႇသိုၵ်းမၢၼ်ႈ တင်း တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA ပဵၼ်ပၢင်တိုၵ်းၵၼ် ၼႂ်းဢိူင်ႇၼမ်ႉဢုမ် ဢၼ်ပဵၼ် ၼႃႈတီႈဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸေႈဝဵင်းမၢႆ(32) ၸေႈဝဵင်းမူႇၸေႈ ၸိုင်ႈတႆးပွတ်းႁွင်ႇ ၼၼ်ႉယူႇယဝ်ႉ ။
မိူဝ်ႈၼႆႉ ဝၼ်းထီႉ 28-08-2023 ၶၢဝ်းယၢမ်း ၵၢင်ၼႂ် 10:00 မူင်းၼၼ်ႉ ၶွင်ႇသီႇသိုၵ်းမၢၼ်ႈ တင်းတပ်ႈသိုၵ်း ပူတ်းပွႆႇၸိူဝ်ႉၸၢတ်ႈတဢၢင်း TNLA လႆႈပဵၼ်ပၢင်တိုၵ်း ၵၼ် ၼႂ်း ၵႄႈ ဝၢၼ်ႈသူၼ်လူင်လႄႈ ဝၢၼ်ႈႁွင်း ဢိူင်ႇၼမ်ႉဢုမ် ၸေႈ ဝဵင်းမူႇၸေႈ ၸိုင်ႈတႆးပွတ်းႁွင်ႇ တေႃႇထိုင် ၶၢဝ်းယၢမ်း 14 :00 မူင်းၵေႃႈ သဵင်ၵွင်ႈသဵင်မၢၵ်ႇ တိုၵ်ႉမေႃးယူႇ ၼႆယဝ်ႉ။
ယွၼ်ႉပၢင်တိုၵ်းလႄႈ ႁူင်းႁဵၼ်းသွၼ်လိၵ်ႈ ဝၢၼ်ႈၵွင်း ဝဵင်း ဢိူင်ႇၼမ်ႉဢုမ် ၸေႈဝဵင်းမူႇၸေႈၼၼ်ႉ လႆႈပိၵ်ႉ ဢိုတ်းဝႆႉယူႇၼႆယဝ်ႉ။
Photo – Credit
