SSPPInfo
26-09-2023
ၽူႈမီးပုၼ်ႈၽွၼ်း ၼႂ်းပိုၼ်ႉတီႈ ၾၢႆႇ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၸိူဝ်းဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈၸေႈဝဵင်းမိူင်းသူႈၼၼ်ႉ ၸွႆႈထႅမ် မႄးသဵၼ်ႈတႃႈသၢႆတၢင်းပၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ။
ယွၼ်ႉဝႃႈ ပဵၼ်ၶၢဝ်းႁိုဝ်ႉၶၢဝ်းၾူၼ် သဵၼ်ႈတႃႈသၢႆတၢင်း ပဵၼ်ၵူမ်ႇပဵၼ်ဢုင် ၵူၼ်းမိူင်းၼႂ်းပိုၼ်ႉတီႈ ၵႂႃႇမႃးယၢပ်ႇ ၼႃႇၼႆလႄႈ မိူဝ်ႈဝၼ်းထီႉ 23-09-2023ၼၼ်ႉယူႇတီႈ ၽူႈမီးပုၼ်ႈ ၽွၼ်း ၼႂ်းပိုၼ်ႉတီႈ ၾၢႆႇပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA လႆႈဢွၼ်ႁူဝ် ၵေႃႉသိုၵ်း ၵေႃႉ ႁၢၼ် ၊ ပေႃႈမႄႈၵူၼ်းမိူင်း ဝၢၼ်ႈၼႃးပေ သေ ၸွႆႈၵၼ် တေႃႉသၢႆးသိူဝ်ႇတၢင်း ဢၼ်လုၵ်ႉတီႈဝၢၼ်ႈၼႃးပေ တေႃႇထိုင်ဝၢၼ်ႈၼမ်ႉၶိုၼ်ႈလႆ ဢိူင်ႇႁၢႆးပႃ ၸေႈဝဵင်းမိူင်းၼွင်ယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်လွင်ႈ ၼိမ်သဝ်းၼႂ်းပိုၼ်ႉတီႈ ပၼ်သေၵႃႈၼင်ႇပွင်ပဵၼ်လႆႈ ၼၼ်ႉ ယူႇတီႈ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေသိုပ်ႇၶတ်းၸႂ် ၸွႆႈထႅမ်ၵႂႃႇယူႇယဝ်ႉ။
