SSPPInfo
25/09/2023
ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ဢႇပၼ်ပၵ်းသဝ်းဝႆႉ တီႈၸေႈဝဵင်းသီႇပေႃႉၼၼ်ႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ။
မိူဝ်ႈဝၼ်းထီႉ 23/09/2023 ၼၼ်ႉ ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (8) ၵေႃႉ ၸႅၵ်ႇၵၼ်သေ တႃႇ(4) ၵေႃႉ လႆႈၸွႆႈၵၢၼ်ပေႃႈမႄႈၵူၼ်းမိူင်း ၸွႆႈမၢႆယိူဝ်ႈ ၼႂ်း ၼႃးပၼ် လုင်းထုၼ်းသႃႇ + ပႃႈသူၺ်ႇ ဝၢၼ်ႈၵုင်ႇႁၢတ်ႇ ဢိူင်ႇပုင်ႇလႅၼ်း လႄႈ ထႅင်ႈတႃႇႁႅင်းသိုၵ်း (4) ၵေႃႉ ၸွႆႈထူၺ်ႈ ထူဝ်ႇလိၼ်ပၼ် လုင်းထုၼ်းၵျေႃႇ + ပႃႈထွၼ်း ဝၢၼ်ႈၵုင်ႇႁၢတ်ႇ ဢိူင်ႇပုင်ႇလႅၼ်း ထုင်ႉမိူင်းတုင် ၸေႈဝဵင်းသီႇပေႃႉယူႇယဝ်ႉ။
လွင်ႈလႆႈၸွႆႈထႅမ်ၵၢၼ် ပေႃႈမႄႈၵူၼ်းမိူင်းၼႆႉ ဢိင်ဢဝ်ငဝ်းလၢႆး လွင်ႈၼိမ်သဝ်းၼႂ်းပိုၼ်ႉတီႈ ပၼ်သေ ၵႃႈၼင်ႇၸွႆႈလႆႈ ပွင် ပဵၼ်လႆႈၼၼ်ႉ ယူႇတီႈၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA သေ တေၶတ်းၸႂ် ၸွႆႈထႅမ်ၵႂႃႇယူႇယဝ်ႉ။
