SSPPInfo
23-09-2023
ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸိူဝ်း ဢၼ်ပၵ်း သဝ်းတူင်ႉၼိုင်ဝႆႉ ၼႂ်းၸေႈဝဵင်းမိူင်းလူင် ၸေႈဝဵင်းၵျွၵ်ႉမႄး ၼၼ်ႉၸွႆႈထႅမ်ၵၢၼ်ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ။
မိူဝ်ႈဝၼ်းထီႉ21-09-2023ၼၼ်ႉ ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း(14)ၵေႃႉလႆႈၸႅၵ်ႇၵၼ်ႁဵတ်းပဵၼ် (3)ၸုမ်းသေ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ႁႅင်း ၵူၼ်းသိုၵ်း(5)ၵေႃႉလႆႈၵႂႃႇၸွႆႈ တီႇဝၢင်းၵျွင်းမုၼ်ၸဝ်ႈ ဝၢၼ်ႈလွႆႈၶမ်း ဢိူင်ႇမိူင်းပၢႆႇ တႃႇႁႅင်းၵူၼ်းသိုၵ်း(5)ၵေႃႉသမ်ႉ လႆႈ ၸွႆႈၵၢၼ်ႉၶဝ်ႈၵၢပ်ႇပၼ် လုင်းတေႃးၼ+ပႃႈဢိင်ႇ ဝၢၼ်ႈလွႆ ဢိူင်ႇမေႃႇမႃ လႄႈ ႁႅင်းၵူၼ်းသိုၵ်းထႅင်ႈ(4)ၵေႃႉ လႆႈၵႂႃႇၸွႆႈထႅမ် ၵၢၼ်ႉၶဝ်ႈၵၢပ်ႇပၼ် ပႃႈတိင်းၼူႉ ဝၢၼ်ႈမိူင်းတၢင်ႈ ဢိူင်ႇမိူင်းတၢင်ႈ ၸေႈဝဵင်းမိူင်းလူင် ၵိင်ႇၽႄ ၸေႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼႆယူႇယဝ်ႉ။
လွင်ႈလႆႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆးလွင်ႈၼိမ်သဝ်းၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈ ၼၼ်ႉ ယူႇတီႈၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSAတေသိုပ်ႇၶတ်းၸႂ် ၸွႆႈထႅမ်ၵႂႃႇယူႇယဝ်ႉ။
