SSPPInfo
20-09-2023

ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸိူဝ်းဢၼ်ပၵ်းသဝ်းတူင်ႉၼိုင်ဝႆႉၼႂ်းၼႃႈတီႈ ထုင်ႉၼမ်ႉပွင်ႈ ၸေႈဝဵင်းလႃႈသဵဝ်ႈ ၼၼ်ႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႂ်းပိုၼ်ႉတီႈ။

မိူဝ်ႈဝၼ်းထီႉ 19-09-2023ၶၢဝ်းယၢမ်းၵၢင်ၼႂ် 9:15 မူင်းတေႃႇထိုင် ယၢမ်းဝၢႆးဝၼ်း 4:00မူင်းၼၼ်ႉ ၵေႃႉသိုၵ်း ၵေႃႉ ႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (4) ၵေႃႉ ႁူမ်ႈတၢင်းပေႃႈမႄႈၵူၼ်းမိူင်း(40)ၵေႃႉ ၊ ၵႃး(3) လမ်း ၸွႆႈၵၼ်တေႃႉသၢႆးသႂ်ႇၸွမ်းတၢင်း ဢၼ်လုၵ်ႉတီႈ ဝၢၼ်ႈၵၢတ်ႇ ၶိုၼ်ႈၵႂႃႇတၢင်း ဝၢၼ်ႈၼႃးၺွင်ႇ ဢိူင်ႇၼႃး ၼၢင်း ထုင်ႉၼမ်ႉပွင်ႈ ၸေႈဝဵင်းလႃႈသဵဝ်ႈ လႄႈ ၽူႈမီးပုၼ်ႈၽွၼ်း ၾၢႆႇ ဢုပ်ႉပိူင်ႇ SSPP/SSA ၼႂ်းပိုၼ်ႉတီႈ သိုပ်ႇၸွႆႈၵႃႈၼမ်ႉမၼ်းၵႃး ၊ ၵႃႈတၢင်းၵိၼ်ၵူၼ်းႁဵတ်းၵၢၼ် တႃႇသၢင်ႉငိုၼ်း (300000) သၢမ်သႅၼ်ၵျၢပ်ႈ ၸဵမ်ၸိူဝ်း ၼႆႉယူႇယဝ်ႉ။

လွင်ႈလႆႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆးလွင်ႈၼိမ်သဝ်းၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈ ၼၼ်ႉ ယူႇတီႈၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေသိုပ်ႇၶတ်းၸႂ် ၸွႆႈထႅမ် ၵၢၼ်ပေႃႈမႄႈၵူၼ်းမိူင်းၵႂႃႇယူႇယဝ်ႉ။