SSPPInfo
20-09-2023

ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸိူဝ်းဢၼ်ပၵ်းသဝ်းတူင်ႉၼိုင်ဝႆႉၼႂ်းၼႃႈတီႈၸေႈဝဵင်းမိူင်းလူင် ၊ ၸေႈဝဵင်းၵျွၵ်ႉမႄးၼၼ်ႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႂ်းပိုၼ်ႉတီႈ။

မိူဝ်ႈဝၼ်းထီႉ 19-09-2023ၶၢဝ်းယၢမ်းၵၢင်ၼႂ် 8:00မူင်းတေႃႇထိုင်ဝၢႆးဝၼ်း3:30မူင်းၼၼ်ႉ ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (5)ၵေႃႉလႆႈၵႂႃႇ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈတီႇသူၼ်ၼဵင်ႈပၼ် လုင်းဝိလိင်ႇ+ပႃႈမေႇ ဝၢၼ်ႈလွႆၶမ်း ဢိူင်ႇမိူင်းပၢႆႇ ၸေႈဝဵင်းမိူင်းလူင် ၵိင်ႇၽႄ ၸေႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၼႆ ယူႇယဝ်ႉ။

ၼႂ်းဝၼ်းၼႆႉၵူၺ်းၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်းထႅင်ႈ (3)ၵေႃႉလႆႈၵႂႃႇၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈဢိတ်ႇၶဝ်ႈၵၢပ်ႇပၼ် ပႃႈၸၢင်းပူႉ ဝၢၼ်ႈလွႆ ဢိူင်ႇမေႃႇမႃ ၸေႈဝဵင်းၵျွၵ်ႉမႄး ၼႆယူႇယဝ်ႉ။

လွင်ႈလႆႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆးလွင်ႈၼိမ်သဝ်းၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈ ၼၼ်ႉ ယူႇတီႈၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေသိုပ်ႇၶတ်းၸႂ် ၸွႆႈထႅမ် ၵႂႃႇယူႇယဝ်ႉ။