SSPPInfo
18-09-2023
ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈၸေႈဝဵင်းၵူတ်ႉ ၶၢႆၼၼ်ႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၼႂ်းပိုၼ်ႉတီႈ။
မိူဝ်ႈဝၼ်းထီႉ 17-09-2023ၼၼ်ႉ ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း(7)ၵေႃႉ ၸွႆႈထႅမ် ၵၢၼ်ပေႃႈမႄႈၵူၼ်းမိူင်း ၸွႆႈလိူဝ်ႈမႆႉ ဢၼ်လူမ်ႉတဵင်သဵၼ်ႈတၢင်း လုၵ်ႉတီႈ ၼႂ်းဝၢၼ်ႈယူင်းမေႃး လူင်းၵႂႃႇထိုင်ဝၢၼ်ႈၶူဝ်ၼမ်ႉၼိမ်း လႄႈ ၸွႆႈတီႇၽဵဝ်ႈသဵၼ်ႈတၢင်း မေးထူမ်လုၵ်းၸွမ်းသဵၼ်ႈတၢင်း တေႇဢဝ်ဝၢၼ်ႈတူၼ်ႈတွင်း ၵႂႃႇထိုင်ဝၢၼ်ႈပဵင်းလူင် ဢိူင်ႇမိူင်းထၢမ် ၸေႈဝဵင်းၵူတ်ႉၶၢႆ ယူႇယဝ်ႉ။
လွင်ႈလႆႈၸွႆႈထႅမ်ၵၢၼ် ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆးလွင်ႈၼိမ်သဝ်းၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈၼၼ်ႉ ယူႇတီႇၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေသိုပ်ႇၶတ်းၸႂ်ၸွႆႈထႅမ် ၵႂႃႇယူႇယဝ်ႉ။
