ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈၸေႈ ဝဵင်းၼမ်ႉတူႈ ၼၼ်ႉ ၸွႆႈၵၢၼ်ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ။
မိူဝ်ႈဝၼ်းထီႉ 27-08-2023 ၼၼ်ႉၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၼႂ်းတပ်ၽႄ (8) ဢၼ်မီးၾၢႆႇတႂ်ႈၵုမ်းၵမ် တပ်ႉၵွင် (168) တပ်ႉၸုမ်း (619) ႁႅင်းၵူၼ်းသိုၵ်း (7) ၵေႃႉ ၸွႆႈတီႇဝၢင်း ႁူင်းႁဵၼ်း လႄႈ ၸွႆႈယႃႉႁိူၼ်း ဢၼ်ၸဝ်ႈႁိူၼ်းလူႇပၼ်တီႈဝတ်ႉၵျွင်း ၼႂ်းဝၢၼ်ႈမိူင်းသဵင် ဢိူင်ႇမိူင်းတၢတ်ႇ ၸေႈဝဵင်းၼမ်ႉတူႈ ၼၼ်ႉယူႇယဝ်ႉ။
မိူဝ်ႈဝၼ်းထီႉ 27/08/2023 ၼၼ်ႉၵေႃႈ ႁႅင်းၵူၼ်းသိုၵ်း (3) ၵေႃႉ ၸွႆႈထူၺ်ႈထူဝ်ႇၼဝ်ႈပၼ် လုင်းထုၼ်းၵျၢၼ်ႇ + ပႃႈၼၢင်းဢႅၼ် ဝၢၼ်ႈမိူင်းသဵင် ဢိူင်ႇမိူင်းတၢတ်ႇ ၸေႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇ ၼႆယူႇယဝ်ႉ ။
လွင်ႈၸွႆႈထႅမ်ၵၢၼ် ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆးSSPP/SSA တေၶတ်းၸႂ်ၸွႆႈထႅမ်ၵႂႃႇယူႇယဝ်ႉ။
