ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၸေႈဝဵင်းၼမ်ႉတူႈ ၼၼ်ႉ တၢင်တူဝ်ငဝ်ႈငုၼ်း သေ လႆႈၵႂႃႇၸွႆႈထႅမ်ငိုၼ်း တီႈပေႃႈမႄႈၵူၼ်းမိူင်း ဝၢၼ်ႈၸၢမ် ဢိူင်ႇဝၢၼ်ႈၸၢမ် ၸေႈဝဵင်း ၼမ်ႉတူႈ ပိူဝ်ႈတႃႇတေ ၵေႃႇသၢင်ႈ ဢဝ်ၼမ်ႉမႃးၸႂ်ႉတိုဝ်း တႃႇၼႂ်းဝၢၼ်ႈ ၼႆယူႇယဝ်ႉ။
မိူဝ်ႈဝၼ်းထီႉ 08-08-2023 ၼၼ်ႉ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ ပႃႇတီႇမႂ်ႇသုင် ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႇမတီႇ ၸေႈတွၼ်ႈ ၸေႈဝဵင်းၶဝ် ဢွၼ်ႁူဝ်သေ ၸတ်းႁဵတ်းပၢင်ႁူပ်ႉထူပ်း ပေႃႈမႄႈၵူၼ်း မိူင်း ဝၢၼ်ႈၸၢမ် ဢိူင်ႇဝၢၼ်ႈၸၢမ် ၸေႈဝဵင်းၼမ်ႉတူႈ တီႈ ၼိုင်ႈသေ လႆႈတၢင်တူဝ် ငဝ်ႈငုၼ်း ၸွႆႈထႅမ်ငိုၼ်း တႃႇပေႃႈမႄႈၵူၼ်းမိူင်း ဝၢၼ်ႈၸၢမ် သၢင်ႉငိုၼ်း 300 သႅၼ် ပိူဝ်ႈတႃႇ ၵေႃႇသၢင်ႈဢဝ်ၼမ်ႉ မႃးၸႂ်ႉတိုဝ်း ၼႂ်းဝၢၼ်ႈ ၼႆယူႇယဝ်ႉ။
လွင်ႈၸွႆႈထႅမ်လွင်ႈယၢပ်ႇၽိုတ်ႇ ပေႃႈမႄႈၵူၼ်းမိူင်း ၊ ၵဵဝ်ႇလူၺ်ႈ ၵၢၼ်သႃႇသၼႃႇ၊ ၵၢၼ်ပၢႆးပိင်ႇၺႃႇ လႄႈ ၵၢၼ်တွၼ်ႈလိၼ်ၶိုၼ်ႈယႂ်ႇ ၵူႈၵူႈပၢႆးပၢႆး ၸိူဝ်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈ ၼင်ႇၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တိုၼ်းတေ ၶတ်းၸႂ် ၸွႆႈထႅမ်ၵႂႃႇ ယူႇယဝ်ႉ။
