ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင်ၼႂ်းၼႃႈတီႈၸေႈဝဵင်းၵျွၵ်ႉမႄးၼၼ်ႉ ၸွႆႈၵၢၼ်ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ ။
မိူဝ်ႈဝၼ်းထီႉ 19-08-2023 ၼၼ်ႉ ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်း ( 30) ၵေႃႉ ၸႅၵ်ႇၵၼ်သေ ၸွႆႈၵၢၼ်ပေႃႈမႄႈၵူၼ်းမိူင်း ၸွႆႈထူၺ်ႈထူဝ်ႇၼဝ်ႈ ပၼ်ၸၢႆးပၢင်ႇ + ၼၢင်းထေး ဝၢၼ်ႈၼႃးၶႅမ် ဢိူင်ႇတွင်ႇထိၵ်ႈ ၊ ၸွႆႈ တီႇ/ပွမ်ႈ /ၽဵဝ်ႈ တူၼ်ႈမႆႉၸွမ်းၽင်ႇတၢင်း လုၵ်ႉဝၢၼ်ႈပၢင်မၢၵ်ႇလုပ်ႇ လူင်းၸူးၽင်ႇၼမ်ႉ ၊ ၸွႆႈ တီႇ / ၽဵဝ်ႈ ၸွမ်းတႃႈၼမ်ႉ ဝၢၼ်ႈၵွင်းႁႃင်း ဢိူင်ႇပၢင်ႇလေႃႉ ၸေႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၼႆယူႇယဝ်ႉ ။
လွင်ႈၸွႆႈထႅမ်ၵၢၼ်ပေႃႈမႄႈ ၵူၼ်းမိူင်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်း ၸိုင်ႈတႆး SSPP/SSA တေၶတ်းၸႂ်ၸွႆႈထႅမ်ၵႂႃႇယူႇယဝ်ႉ ။
