ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈၸေႈဝဵင်းလႃႈသဵဝ်ႈ ၊ ၸေႈဝဵင်းမိူင်းယႆ ၼၼ်ႉ ၸွႆႈထႅမ်ၵၢၼ်ပၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ။
မိူဝ်ႈဝၼ်းထီႉ 21 /23 -08-2023 ၼႂ်းၶၢဝ်းတၢင်း (2) ဝၼ်း ၼၼ်ႉ ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႇပိူင်ႇ ပႃႇတီႇမႂ်ႇသုင် ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (20) ၵေႃႉ ၸႅၵ်ႇၵၼ်သေ ၸွႆႈထႅမ် ၵၢၼ်ပေႃႈမႄႈၵူၼ်းမိူင်း ၸွႆႈဢဝ်ၽုၼ်ႇသႂ်ႇ ၼႃးပၼ် လုင်းဝုၼ်း+ ပႃႈပူင်ႇ ဝၢၼ်းၼႃးတွင်ၸၢၼ်း ၊ ၸွႆႈတီႇဝၢင်း ႁူင်းႁဵၼ်းသွၼ်လိၵ်ႈ ဝၢၼ်ႈၵုင်းမူင်ႈ လႄႈ ၸွႆႈတီႇဝၢင်း ႁေႃၸဝ်ႈမိူင်း ဝၢၼ်ႈၼႃးတွင်ၸၢၼ်း ဢိူင်ႇၼႃးၸွၵ်ႇ ထုင်ႉၼမ်ႉပွင်ႈ ၸေႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ယူႇယဝ်ႉ။
မိူဝ်ႈဝၼ်းထီႉ 22/24-08-2023 ၼႂ်းသွင်ဝၼ်း ၼၼ်ႉ ၵေႃႈ ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး ႁႅင်းၵူၼ်းသိုၵ်း (25) ၵေႃႉ ၸႅၵ်ႇၵၼ်သေ လႆႈၵႂႃႇ ၸွႆႈၽင်လွတ်ႇၼမ်ႉ တီႈတၢင်းၵႂႃႇ ဝၢၼ်ႈၼွင်ပူး ၊ ဝၢၼ်ႈၼွင်ယႃႉဢိူင်ႇဝၢၼ်ႈပုင်ႇ လႄႈ ဢဝ်မၢၵ်ႇႁိၼ် ၸွႆႈသိူဝ်ႇတၢင်းပၼ် ၼိူဝ်သဵၼ်ႈတၢင်း ၾၢႆႇတူၵ်းဝၢၼ်ႈၼမ်ႉ ၽၢတ်ႇ ဢိူင်ႇဝၢၼ်ႈၽၢႆႇ ၸေႈ ဝဵင်းမိူင်းယႆ ယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵူႈပၢႆးပၢႆး ၸိူဝ်း ၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈ ၼင်ႇၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေၶတ်းၸႂ် ၸွႆႈထႅမ်ၵႂႃႇ ယူႇယဝ်ႉ။
