ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈ တီႈၸေႈဝဵင်းၵျွၵ်ႉမႄး ၼၼ်ႉ ၸွႆႈၵၢၼ်ပေႃႈမႄႈၵူၼ်းမိူင်းၼႂ်းပိုၼ်ႉတီႈ ။

မိူဝ်ႈဝၼ်းထီႉ 22-08-2023 ၼၼ်ႉၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (17) ၵေႃႉ ၸႅၵ်ႇ ၵၼ်သေ လႆႈၵႂႃႇ ၸွႆႈတီႇသူၼ်မၢၵ်ႇၸွၵ်း ပၼ် ပႃႈဢုင်ႇမႃႇ ဝၢၼ်ႈလွႆၶမ်း ဢိူင်ႇမိူင်းပၢႆႇ ၊ ၸွႆႈပိတ်းၼဵင်ႈ ပၼ် လုင်းၸေႃး + ပႃႈၼူႉ ဝၢၼ်ႈၼႃးပဵင်း ဢိူင်ႇပၢင်ႇလေႃႉ ၊ ၸွႆႈထူၺ်ႈထူဝ်ႇၼဝ်ႈပၼ် လုင်းသၢမ် + ပႃႈသီႇ ဝၢၼ်ႈၼႃးၽိုင်ႈ ဢိူင်ႇတွင်ႇထိၵ်ႈ ၊ ၸွႆႈ တီႇ/ ပွမ်ႈ တူၼ်ႈမႆႉ ဢၼ်သုမ်ႇတၢင်းလုၵ်ႉဝၢၼ်ႈပၢင်မၢၵ်ႇလုပ်ႇ လူင်းၸူးၽင်ႇၼမ်ႉတိုင်းတႃႈ ဢိူင်ႇပၢင်မၢၵ်ႇလုပ်ႇ ၸေႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၼႆယူႇယဝ်ႉ ။

လွင်ႈၸွႆႈထႅမ်ၵၢၼ် ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆးSSPP/SSA တေၶတ်းၸႂ်ၸွႆႈထႅမ်ၵႂႃႇယူႇယဝ်ႉ ။

#shanstateprogressparty

#shanstatearmy #SSPPSSA

#ၸွႆႈထႅမ်

#ၸေႈဝဵင်းၵျွၵ်ႉမႄး