ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈၸေႈဝဵင်းၵျွၵ်ႉမႄးၼၼ်ႉ ၸွႆႈၵၢၼ်ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ ။
မိူဝ်ႈဝၼ်းထီႉ 11-08-2023 ၼၼ်ႉ ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်း (15) ၵေႃႉ ၸႅၵ်ႇၵၼ်သေၸွႆႈၵၢၼ်ပေႃႈမႄႈၵူၼ်းမိူင်း ၸွႆႈထူၵ်းထၢၼ်ႇပၼ် လုင်းလဵၵ်ႉ + ပႃႈၺုၼ်ႉ ဝၢၼ်ႈလွႆႈၶမ်း ဢိူင်ႇမိူင်းပၢႆ ၊ ၸွႆႈမၢႆယိူဝ်ႈၼႂ်းႁႆႈၶဝ်ႈ လုင်းပီး + ပႃႈၸိင်ႇပူႉ ဝၢၼ်ႈမေႃႇမႃ ဢိူင်ႇႁၢႆးၵုၺ် ၊ ၸွႆႈ တီႇၽဵဝ်ႈ ၸွမ်းတၢင်း ဝၢၼ်ႈလွႆသႃႇ တေႃႇထိုင် ဝၢၼ်ႈၵွင်းႁုင်း ဢိူင်ႇပၢင်ႇလေႃႉ ၸေႈဝဵင်း ၵျွၵ်ႉမႄး ၸိုင်ႈတႆးပွတ်းႁွင်ႇ ၼႆယူႇယဝ်ႉ ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေၶတ်းၸႂ် ၸွႆႈထႅမ်ၵႂႃႇယဝ်ႉ။
