ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင်ၼႂ်းၼႃႈတီႈထုင်ႉမိူင်းပႃး ၸေႈဝဵင်းသႅၼ်ႈဝီၼၼ်ႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၼႂ်းပိုၼ်ႉတီႈ။
မိူဝ်ႈဝၼ်းထီႉ03-08-2023ၼၼ်ႉ ၵေႃႉသိုၵ်းၵေႃႉႁၢၼ် ၽၢႆႇတပ်ႉၽၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (11)ၵေႃႉ လႆႈ ၸႅၵ်ႇၵၼ်သေ လႆႈၵႂႃႇထူၺ်ႈၵႃႈ၊ ႁၢပ်ႇၵႃႈ၊ သွမ်ႈၼႃးပၼ် လုင်းဢွင်ႇထုၼ်း+ပႃႈမွၼ်း ဝၢၼ်ႈၶွၵ်ႈၵႂၢႆး ဢိူင်ႇၶမ်းတိူၼ်း လႄႈ လုင်းသူၺ်ႇၸိင်ႇ+ ပႃႈၶမ်း ဝၢၼ်ႈႁူဝ်ပၢင်ႇ ဢိူင်ႇမိူင်းပႃး ထုင်ႉမိူင်းပႃး ၸေႈဝဵင်းသႅၼ်ႈဝီ ၸိုင်ႈတႆးပွတ်းႁွင်ႇ ၼႆယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈ ၵူၼ်းမိူင်းၼႆႉ ဢိင်ၼိူဝ်ငဝ်းလၢႆးလွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA သေတေသိုပ်ႇၸွႆႈထႅမ်ၵႂႃႇ ယူႇယဝ်ႉ။
