ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈၸေႈဝဵင်းမိူင်းသူႈ ၼၼ်ႉ ၸွႆႈသိူဝ်ႇတၢင်း/ႁဵတ်းၶူဝ်ပၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ။
မိူဝ်ႈဝၼ်းထီႉ 28/31-07-2023 ၼႂ်းသွင်ဝၼ်းၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင် ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ဢွၼ်ႁူဝ်သေ ႁႅင်းၵူၼ်းသိုၵ်း/ၵူၼ်းမိူင်းႁူမ်ႈၵၼ် (52)ၵေႃႉ၊ ႁႅင်း ထေႃႈ (17) လမ်း ၸႅၵ်ႇၵၼ် တေႃႉသၢႆးသိူဝ်ႇတၢင်း ဢၼ်လုၵ်ႉတီႈဝၢၼ်ႈၼွင်ၶဵတ်ႇ တေႃႇထိုင် ဝၢၼ်ႈၼႃးပေ လႄႈ ၸွႆႈႁဵတ်းၶူဝ် ၽၢႆႇၸၢၼ်းဝၢၼ်ႈၼွင်ၶဵတ်ႇ ဢၼ်ၵႂႃႇတၢင်း ဝၢၼ်ႈၼႃးပေ၊ ၼမ်ႉသၢမ်ၵေး၊ မိူင်းၸၢင်၊ ဝၢၼ်ႈမိူင်းၶၢင် ၸေႈဝဵင်းမိူင်းသူႈ ၸိုင်ႈတႆးပွတ်းၸၢၼ်း ၼႆယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေၶတ်းၸႂ် ၸွႆႈထႅမ်ၵႂႃႇ ယူႇယဝ်ႉ။
