ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈၸေႈဝဵင်းၵျွၵ်ႉမႄး ၼၼ်ႉ ၸွႆႈၵၢၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ။
မိူဝ်ႈဝၼ်းထီႉ 28/31 -07-2023 ၼႂ်းသွင်ဝၼ်းၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင် ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (10) ၵေႃႉ ၸႅၵ်ႇၵၼ်သေ ၸွႆႈၵၢၼ်ပေႃႈမႄႈၵူၼ်းမိူင်း ၸွႆႈတီႇသူၼ်ၼဵင်ႈ ပၼ် လုင်းပၢင်ႇ+ ပႃႈထေး ဝၢၼ်ႈလွႆၶမ်း ဢိူင်ႇမိူင်းပၢႆႇ လႄႈ ၸွႆႈတီႇၸွမ်းၶႅပ်ႇဝၢၼ်ႈ တီႈဝၢၼ်ႈလွႆ ဢိူင်ႇႁၢႆးၵုၺ် ၸေႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၼႆယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈ ၼင်ႇၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈပႃႇတီႈမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေ ၶတ်းၸႂ် ၸွႆႈထႅမ်ၵႂႃႇ ယူႇယဝ်ႉ။
