ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈၸေႈဝဵင်းလႃႈသဵဝ်ႈ ၼၼ်ႉ ၸွႆႈၵၢၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ။
မိူဝ်ႈဝၼ်းထီႉ 28-07-2023 ၶၢဝ်းယၢမ်းၵၢင်ၼႂ် 9:00 မူင်းတေႃႇထိုင်ဝၢႆးဝၼ်း 4:00 မူင်းၼၼ်ႉ ၵေႃႉသိုၵ်း ၵေႃႉ ႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း(11)ၵေႃႉ ၸႅၵ်ႇၵၼ်သေ ၸွႆႈၵၢၼ်ပေႃႈမႄႈၵူၼ်းမိူင်း ၸွႆႈသွမ်ႈၼႃးပၼ် ၸၢႆးၺုၼ်ႉ+ၼၢင်းလူင် ၊ ၸၢႆးၵျေႃႇဢူး+ၼၢင်းမူၺ်း တီႈယူႇဝၢၼ်ႈၼႃးယႃႉ ၸုမ်းမၢႆ(2) ဢိူင်ၼႃးၸွၵ်ႇ ၊ ထုင်ႉ ၼမ်ႉပွင်ႈ ၸေႈဝဵင်းမၢႆ(34) လႃႈသဵဝ်ႈ ၼႆယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆးလွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈပွင်ပဵၼ်လႆႈၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA တေ ၶတ်းၸႂ်ၸွႆႈထႅမ်ၵႂႃႇယူႇယဝ်ႉ။
shanstateprogressparty
shanstatearmy #ssppinfo
#သွမ်ႈၼႃး
