ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈ ထုင်ႉမိူင်းပႃး ၸေႈဝဵင်းသႅၼ်ဝီၼၼ်ႉ ၸွႆႈ ၵၢၼ်ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ။
မိူဝ်ႈဝၼ်းထီႉ 27/28/29-07-2023 ၶၢဝ်းတၢင်း (3) ဝၼ်း ၼၼ်ႉၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်း ၵူၼ်းသိုၵ်း (26) ၵေႃႉ ၸႅၵ်ႇၵၼ်သေ ၸွႆႈထႅမ်ၵၢၼ်ပေႃႈမႄႈ ၵူၼ်းမိူင်း ၸွႆႈႁေႈၼႃး ၊ ထူၺ်ႈၵႃႈ ၊ ႁၢပ်ႇၵႃႈ သွမ်ႈ ၼႃးပၼ် လုင်းဢုင်း + ပႃႈၼၢင်း ၊ လုင်းၵျေႃႇလီႇ + ပႃႈ ၼေႇ ၊ လုင်းသၢင်ႇယုင်း +ပႃႈပေႉ ၊ လုင်းသၢင်ႇ ၺုၼ်ႉ + ပႃႈၶမ်းဢိင်ႇ ဝၢၼ်ႈၵျွင်း လႄႈ လုင်းႁၢၼ်ႇ ၊ပႃႈ ၼၢင်းမူဝ် ဝၢၼ်ႈပၢင်မိူတ်ႇ ဢိူင်ႇမိူင်းပႃး ၸေႈဝဵင်းသႅၼ်ဝီ ၸိုင်ႈတႆးပွတ်းႁွင်ႇ ၼႆယူႇယဝ်ႉ။
မိူဝ်ႈဝၼ်းထီႉ 31-07-2023 ၼၼ်ႉၵေႃႈ ၵေႃႉသိုၵ်း ၵေႃႉ ႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်း (7) ၵေႃႉ လႆႈၸွႆႈထႅမ်ထူၺ်ႈၵႃႈပၼ် လုင်းထီးၼေႇ + ပႃႈထူၺ်း ဝၢၼ်ႈၵျွင်း ဢိူင်ႇမိူင်းပႃး ၸေႈဝဵင်းသႅၼ်ဝီ ၸိုင်ႈတႆးပွတ်းႁွင်ႇ ၼႆယူႇယဝ်ႉ ။
လွင်ႈၸွႆႈထႅမ်ၵၢၼ်ပေႃႈမႄႈ ၵူၼ်းမိူင်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈၼၼ်ႉ ယူႇတီႈပႃႈတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေၶတ်းၸႂ် ၸွႆႈထႅမ်ၵႂႃႇယူႇယဝ်ႉ။#shanstateprogressparty
#shanstatearmy
#ၸွႆႈထႅမ်
#ၸေႈဝဵင်းသီႇပေႃႉ
