ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈၸေႈဝဵင်းၼၼ်ႉ ၸွႆႈတီႇတၢင်းၽဵဝ်ႈတၢင်းပၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ။
မိူဝ်ႈဝၼ်းထီႉ 18-08-2023 ယၢမ်းၵၢင်ၼႂ် 08:00 မူင်း တေႃႇထိုင် တၢမ်းၶမ်ႈ 05:00 မူင်း ၼၼ်ႉ ၵေႃႉသိုၵ်း ၵေႃႉ ႁၢၼ် ၾၢႆႇတပ်ႉ ၾၢႆႇဢုပ်ႇပိူင်ႇ ပႃႇတီႇမႂ်ႇသုင် ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (12) ၵေႃႉသေ ၸွႆႈတီႇၽဵဝ်ႈၼိူဝ်သဵၼ်ႈတၢင်းပၼ် ပေႃႈမႄႈ ၵူၼ်းမိူင်း ၼႂ်းဝၢၼ်ႈပၢၼ်ႉပူၺ်းၶျႅင်း တေႃႇထိုင် ဝၢၼ်ႈၼမ်ႉတမ်းၶွၼ်ႇ ဢိူင်ႇပၢၼ်ႉပူၺ်းၶျႅင်း ထုင်ႉမိူင်းၵၢဝ်ႇၸေႈဝဵင်းတၢင်ႉယၢၼ်း ၸိုင်ႈတႆးပွတ်းႁွင်ႇ ယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈ ပွင်ပဵၼ်လႆႈၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေၶတ်းၸႂ် ၸွႆႈထႅမ်ၵႂႃႇ ယူႇယဝ်ႉ။
