ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈၸေႈဝဵင်းၼမ်ႉတူႈ ၼၼ်ႉ ၸွႆႈတီႇတၢင်းၽဵဝ်ႈတၢင်းပၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ။
မိူဝ်ႈဝၼ်းထီႉ 14-08-2023 ယၢမ်းၵၢင်ၼႂ် 08:00 မူင်း တေႃႇထိုင် ဝၢႆးဝၼ်း 4: 00 မူင်း ၼၼ်ႉ ၵေႃႉသိုၵ်း ၵေႃႉ ႁၢၼ် ၽၢႆတပ်ႉ ၽၢႆႇဢုပ်ႇပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (6) ၵေႃႉ ၸွႆႈၵၢၼ်ပေႃႈမႄႈၵူၼ်းမိူင်း ၸွႆႈသွမ်ႈၼႃးပၼ် ပႃႈပုၼ်ႉ ဝၢၼ်ႈၼႃးၵေး ဢိူင်ႇပၢင်ၶႅမ် ၸေႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇ ယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈ ၼင်ႇၸွႆႈလႆႈ ပွင်ပဵၼ်လႆႈၼၼ်ႉ ယူႇတီႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေၶတ်းၸႂ် ၸွႆႈထႅမ်ၵႂႃႇ ယူႇ ယဝ်ႉ။
