ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင်ၼႂ်းၼႃႈတီႈၸေႈဝဵင်းၵျွၵ်ႉမႄးၼၼ်ႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႂ်းပိုၼ်ႉတီႈ။
မိူဝ်ႈဝၼ်းထီႉ 13-08-2023 ယၢမ်းၵၢင်ၼႂ်7:00မူင်းတေႃႇထိုင် ဝၢႆးဝၼ်း5:00မူင်းၼၼ်ႉ ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း(21)ၵေႃႉလႆႈ ၸႅၵ်ႇၵၼ်သေ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈပွမ်ႈတူၼ်ႈမႆႉ လၢၼ်းတူၼ်ႈမႆႉ ႁိမ်းၶႅပ်ႇတၢင်း တႃႇသႂ်ႇသၢႆ ၽႆးၶိုၼ်ႈၸူး ဝၢၼ်ႈလွႆသႃႇ ၊ ဢိူင်ႇပၢင်ႇလေႃႉ ၊လိူဝ်သေ ၼၼ်ႉၶိုၼ်း ၸွႆႈသွမ်ႈၼႃးပၼ် လုင်းသႃႇ+ ပႃႈၼၢင်းလူႇ ဝၢၼ်ႈၼွင်သိမ်ႇ၊ ဢိူင်ႇတွင်ႇထိၵ်ႈ ၵမ်ႈၽွင်ႈလႆႈၵႂႃႇ ၸွႆႈထႅမ် တီႇသူၼ်ၼဵင်ႈပၼ် လုင်းၵျၢၼ်ႇ+ ပႃႈၵျီး ဝၢၼ်ႈလွႆၶမ်း ၊ ဢိူင်ႇမိူင်းပၢႆႇ၊ ၸေႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၼႆႉ ယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈၼၼ်ႉယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA သေတေသိုပ်ႇၸွႆႈထႅမ်ၵႂႃႇယူႇယဝ်ႉ။
