ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၸတ်းႁဵတ်းပၢင်ၵႅဝ်ႈ ၵိုတ်းလိုဝ်ႈ ပၢင်သွၼ် ၵၢၼ်သိုၵ်းၶိုၵ်ႉတွၼ်း ၸုပ်ႈထီႉ (3) ဢွင်ႈတီႈ ႁူင်းႁဵၼ်းသိုၵ်း ငဝ်ႈငုၼ်း ၊ မီးၽူႈယႂ်ႇၵူၼ်းလူင်လႄႈ ၽူႈမီးပုၼ်ႈ ၽွၼ်း ၵူႈတပ်ႉၵူႈႁွင်ႈၵၢၼ် ၊ ၸုမ်းၼၢင်းယိင်း ဢိၵ်ႇပႃး ၵေႃႉသိုၵ်းၵေႃႉႁၢၼ် ၸိူဝ်းပဵၼ် လုၵ်ႈႁဵၼ်း တပ်ႉၶိုၵ်ႉ တွၼ်းၶဝ်ၶိုၼ်ႈႁွတ်ႈ (600) ၵေႃႉပၢႆ ယူႇယဝ်ႉ။
မိူဝ်ႈၼႆႉဝၼ်းထီႉ 14/08/2023 တင်ႈတေႇဢဝ် ၶၢဝ်းယၢမ်း ၵၢင်ၼႂ် 8 :00 မူင်း တေႃႇထိုင်ယၢမ်း ၵၢင်ၼႂ် 9:25 မူင်း ၼၼ်ႉ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၸတ်းႁဵတ်း ပၢင်ၵႅဝ်ႈၵိုတ်းလိုဝ်ႈ ပၢင်သွၼ်ၵၢၼ်သိုၵ်းၶိုၵ်ႉတွၼ်း ၸုပ်ႈထီႉ (3) ဢွင်ႈတီႈႁူင်း ႁဵၼ်းသိုၵ်းငဝ်ႈငုၼ်း ၊ မီးၽူႈယႂ်ႇၵူၼ်းလူင် ၼႂ်းငဝ်ႈငုၼ်း ၊ ၽူႈမီးပုၼ်ႈၽွၼ်းၵူႈတပ်ႉၵူႈႁွင်ႈၵၢၼ် ၊ ၸုမ်းၼၢင်းယိင်း ဢိၵ်ႇပႃးၵေႃႉသိုၵ်းၵေႃႉႁၢၼ် ဢၼ်ပဵၼ် လုၵ်ႈ ႁဵၼ်း တပ်ႉၶိုၵ်ႉတွၼ်းၶဝ် ၶိုၼ်ႈႁွတ်ႈ ႁူမ်ႈသဵင်ႈ မီး( 689) ၵေႃႉ ၊ မီးၽူႈပွင်ႈၵၢၼ်သိုၵ်း ထီႉ (1) ၸွမ်သိုၵ်း ၶိၼ်ႇမိၼ်ႇမွၵ်ႇလၢတ်ႈၶေႃႈၵႂၢမ်း ပိုတ်ႇပၢင် ၊ ပၼ်ႁႅင်းၸႂ်ၵေႃႉသိုၵ်း ၵေႃႉ ႁၢၼ် ၊ သပ်းလႅင်းၼႄ ၵၢၼ်ပၢႆးတိုၵ်း တႃႇတေပဵၼ်မႃး ၽူႈဢွင်ႇပေႉ ပၢင်တိုၵ်း ၸဵမ်ၸိူဝ်းၼႆႉ ယူႇယဝ်ႉ။
