ၵေႃႉသိုၵ်းၵေႃႉႁၢၼ် SSPP/SSA ၸွႆႈၵၢၼ်ပေႃႈမႄႈၵူၼ်းမိူင်းၼႂ်းပိုၼ်ႉတီႈ ၸေႈဝဵင်းၼမ်ႉၶမ်းSSPPInfo06/07/2023ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင်ၼႂ်းၼႃႈတီႈၸေႈဝဵင်းၼမ်ႉၶမ်းၼၼ်ႉ ၸွႆႈထႅမ် ၵၢၼ်ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ ။

မိူဝ်ႈဝၼ်းထီႉ 05/06/2023 ၼၼ်ႉ ၵေႃႉသိုၵ်း ၵေႃႉ ႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၼႂ်းတပ်ႉ‌ၽႄ(1) တပ်ႉၵွင်(782) ဢၼ်ယူႇ ၾၢႆႇတႂ်ႈၵုမ်းၵမ် တပ်ႉၸုမ်း (689) တပ်ႉငဝ်ႈသိုၵ်း (989) ႁႅင်းၵူၼ်းသိုၵ်း (5) ၵေႃႉ ၵႂႃႇၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈဢိတ်ႇၶဝ်ႈ တဵင်ႇထူင်ၶဝ်ႈပၼ် ၸၢႆးသႅင်မိူင်း+ ၼၢင်းၶမ်းမူဝ် တီႈဝၢၼ်ႈၼွင် ဢိူင်ႇၼွင်ၶၢင် ၊ မိူဝ်ႈ ၼႆႉဝၼ်းထီႉ 06/07/2023 ၼႆႉၵေႃႈ ၵေႃႉသိုၵ်းၵေႃႉႁၢၼ် SSPP/SSA ၼႂ်းတပ်ႉၽႄ(3) ႁႅင်းၵူၼ်းသိုၵ်း (4) ၵေႃႉ လႆႈၵႂႃႇၸွႆႈ ဢိတ်ႇၶဝ်ႈ ၊ တဵင်ႇၶဝ်ႈပၼ် ၸၢႆးသၢင်ႇမျၢတ်ႈ +ၼၢင်းပဝ်း ဝၢၼ်ႈဢွႆႈ ဢိူင်ႇႁူဝ်သၢႆး ၸေႈဝဵင်းၼမ်ႉၶမ်း ၸေႈတွၼ်ႈမူႇၸေႈ ၸိုင်ႈတႆးပွတ်းႁွင်ႇ ၼႆယူႇယဝ်ႉ။

လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၊ ၵၢၼ်သႃႇသ ၼႃႇ ၊ ၵၢၼ်ပၢႆးပိင်ႇၺႃႇ လႄႈ ၵၢၼ်တွၼ်ႈလိၼ် ၶိုၼ်ႈယႂ်ႇ ၵူႈပၢႆးပၢႆးၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈပႃႇတီႈမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA တေၶတ်းၸႂ် ၸွႆႈထႅမ်ၵႂႃႇယူႇယဝ်ႉ။#shanstateprogressparty

#shanstatearmy

#ၸွႆႈၵၢၼ်

#ၸေႈဝဵင်းၼမ်ႉၶမ်း