ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈၸေႈဝဵင်းၼမ်ႉတူႈ/သႅၼ်ဝီ ၼၼ်ႉ ၸွႆႈ ၵၢၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ။
မိူဝ်ႈဝၼ်းထီႉ 25-07-2023 ၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉ သိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (17)ၵေႃႉ ၸႅၵ်ႇၵၼ်သေ ၸွႆႈၵၢၼ်ပေႃႈမႄႈၵူၼ်းမိူင်း ၸွႆႈထူၺ်ႈၵႃႈ၊ သွမ်ႈၼႃးပၼ် လုင်းသူၺ်ႇလူႇ + ၼၢင်းၵေႃႇၶမ်း ဝၢၼ်ႈသႃႇလူင် ဢိူင်ႇဝၢၼ်ႈသႃႇလူင်၊ ၸွႆႈ ၶုတ်းသၢႆး၊ သိူဝ်ႇသၢႆး ၼႂ်းၵိဝ်ႈဝၢၼ်ႈပၢင်ႇၵျွင်းၶမ်း ဢိူင်ႇမိူင်းယဵၼ် လႄႈ ၸွႆႈ ႁဵတ်းၶူဝ် တႃႈၼမ်ႉၽၢတ်ႇ ဢၼ်လုၵ်ႉဢဝ် ၼႃးၸမ်းပေႃး ၵႂႃႇဝၢၼ်ႈၼႃး ၸေႈဝဵင်းၼမ်ႉတူႈၼၼ်ႉ ၼႆယူႇယဝ်ႉ။
မိူၼ်ၼင်ႇ ၵေႃႉသိုၵ်း ၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ဢၼ်တူင်ႉၼိုင်ၼႂ်း ၸေႈဝဵင်းသႅၼ်ဝီၼၼ်ႉၵေႃႈ ႁႅင်း ၵူၼ်းသိုၵ်း(8) ၵေႃႉ ၸႅၵ်ႇၵၼ်သေ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈႁၢပ်ႇၵႃႈ၊ သွမ်ႈၼႃႈပၼ် လုင်းဢူႉ+ ပႃႈၶမ်းဢွင်ႇ ဝၢၼ်ႈပၢင်မိူတ်ႇ ဢိူင်ႇမိူင်းပႃး လႄႈ ၸွႆႈႁၢပ်ႇၵႃႈ ၊ သွမ်ႈၼႃးပၼ် ၸၢႆးသၢင်ႇၶၢဝ်+ၼၢင်းလူႇ ဝၢၼ်ႈ ၶွၵ်ႈၵႂၢႆး ဢိူင်ႇၶမ်းတိူၼ်း ထုင်ႉမိူင်းပႃး ၸေႈဝဵင်းသႅၼ်ဝီ ၸိုင်ႈတႆးပွတ်းႁွင်ႇ ၼႆႉယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈ ၼင်ႇၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈပႃႇတီႈမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေ ၶတ်းၸႂ် ၸွႆႈထႅမ်ၵႂႃႇ ယူႇ ယဝ်ႉ။
