ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈၸေႈဝဵင်းၵျွၵ်ႉမႄးၼၼ်ႉ ၸွႆႈၵၢၼ် ပေႃႈမႄႈၵူၼ်းမိူင်း ၸွႆႈလွင်းသူၼ်ဢွႆႈ ၊ ၸွႆႈတီႇၽဵဝ်ႈႁဵတ်းလွင်ႈမူတ်းသႂ် ၼႂ်းလူင်ၸဝ်ႈမိူင်း ၸဵမ်ၸိူဝ်းၼႆႉ ယူႇယဝ်ႉ။
မိူဝ်ႈဝၼ်းထီႉ 23-07-2023 ၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (18)ၵေႃႉ ၸႅၵ်ႇ ၵၼ်သေ ၸွႆႈၵၢၼ်ပေႃႈမႄႈၵူၼ်းမိူင်း ၸွႆႈလွင်းသူၼ်ဢွႆႈပၼ် လုင်းသူႉ+ ပႃႈမျုႇဢုင်ႇ ဝၢၼ်ႈမေႃႇမႃ ဢိူင်ႇမေႃႇမႃ ၸွႆႈတီႇၽဵဝ်ႈႁဵတ်းလွင်ႈမူတ်းသႂ် ၼႂ်းလူင်ၸဝ်ႈမိူင်း တီႈဝၢၼ်ႈၼႃးၽိုင်ႈ ဢိူင်ႇတွင်ႇထိၵ်ႈ လႄႈ ၸွႆႈၽၼ်းမႆႉတႃႇ ႁဵတ်းႁေႃၸဝ်ႈမိူင်း တီႈဝၢၼ်ႈတိုင်းလူင် ဢိူင်ႇၼမ်ႉသိမ်ႇ ၸေႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၼႆယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈ ပွင်ပဵၼ်လႆႈၼၼ်ႉ ယူႇတီႈပႃႇတီႈမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေၶတ်းၸႂ် ၸွႆႈထႅမ်ၵႂႃႇ ယူႇ ယဝ်ႉ။
