ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈၸေႈသႅၼ်ဝီ/သီႇပေႃႉ ၼၼ်ႉ ၸွႆႈထႅမ် ၸွႆႈသိူဝ်ႇတၢင်း လႄႈ တီႇတၢင်းပၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ။
မိူဝ်ႈဝၼ်းထီႉ 23 – 07-2023 ၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (16 )ၵေႃႉ ၸႅၵ်ႇ ၵၼ်သေ ၸွႆႈထႅမ်ပေႃႈမႄႈၵူၼ်းမိူင်း ၸွႆႈတီႇတၢင်း လုၵ်ႉတီႈၵျွင်းမုၼ်ၸဝ်ႈ ဝၢၼ်ႈ ၶွၵ်ႈၵႂၢႆး တေႃႇထိုင် ဝၢၼ်ႈထီးၶမ်း လႄႈ လုၵ်ႉတီႈဝၢၼ်ႈတၢတ်ႇၽ တေႃႇထိုင်တီႈ တႃႈၵွင်းဢၢႆႇ ဢိူင်ႇၶမ်းတိူၼ်း ထုင်ႉမိူင်းပႃး ၸေႈဝဵင်းသႅၼ်ဝီ ၸိုင်ႈတႆးပွတ်းႁွင်ႇ ၼႆယူႇယဝ်ႉ။
မိူဝ်ႈဝၼ်းထီႉ 23-07-2023 ၼၼ်ႉၵေႃႈ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (15)ၵေႃႉ ၸွႆႈပေႃႈမႄႈၵူၼ်းမိူင်း မႄးႁဵတ်းၶူဝ် တႃႈၼမ်ႉၽၢတ်ႇဢၼ်လုၵ်ႉဢဝ်တီႈ ဝၢၼ်ႈၼမ်ႉ ၸေႃးပေႃး ၵႂႃႇတၢင်းဝၢၼ်ႈၼႃး ၸေႈဝဵင်းမၢႆ(18) သီႇပေႃႉ ၼႆႉယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈ ပွင်ပဵၼ်လႆႈၼၼ်ႉ ယူႇတီႈပႃႇတီႈမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေၶတ်းၸႂ် ၸွႆႈထႅမ်ၵႂႃႇ ယူႇ ယဝ်ႉ။
