ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈၸေႈဝဵင်းလႃႈသဵဝ်ႈ/သႅၼ်ဝီ ၼၼ်ႉ ၸွႆႈထႅမ် ၵၢၼ်ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ။
မိူဝ်ႈဝၼ်းထီႉ 21-07-2023 ၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (11)ၵေႃႉ ၸွႆႈ ၵၢၼ်ပေႃႈမႄႈၵူၼ်းမိူင်း ၸွႆႈထူၺ်ႈၵႃႈသွမ်ႈၼႃးပၼ် လုင်းပိင်ႇၺႃႇ+ ပႃႈမူၺ် ဝၢၼ်ႈၼႃးႁႃႈ ဢိူင်ႇဢီႇၼၢႆး လႄႈ ၸွႆႈထူၺ်ႈၵႃႈ ၊ ႁၢပ်ႇၵႃႈ ပၼ်လုင်းတၢၼ်း + ပႃႈဢုင်ႇ ဝၢၼ်ႈပၢင်ႇထူဝ်ႇလိၼ်မႂ်ႇ ဢိူင်ႇမိူင်းယေႃ ၸေႈဝဵင်းလႃႈသဵဝ်ႈ ၼႆယူႇယဝ်ႉ။
မိူဝ်ႈဝၼ်းထီႉ22-07-2023 ၼၼ်ႉၵေႃႈ ၵေႃႉသိုၵ်းၵေႃႉ ႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း(8) ၵေႃႉ ၸႅၵ်ႇၵၼ်သေ ၸွႆႈၵၢၼ်ပေႃႈၵၢၼ်ပေႃႈမႄႈၵူၼ်းမိူင်း ၸွႆႈ ႁၢပ်ႇၵႃႈ၊ သွမ်ႈၼႃး ပၼ် လုင်းသၢင်ႇၸၢႆး+ ပႃႈၶမ်း ၸိင်ႇ ဝၢၼ်ႈတၢတ်ႇၽ လႄႈ လုင်းဢေႃး+ ပႃႈလီ ဝၢၼ်ႈ ၶႂၢၵ်ႈ ၵႂၢႆး ဢိူင်ႇၶမ်းတိူၼ်း ထုင်ႇမိူင်းပႃး ၸေႈဝဵင်းသႅၼ်ဝီ ၸိုင်ႈတႆးပွတ်းႁွင်ႇ ၼႆႉယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈ ပွင်ပဵၼ်လႆႈၼၼ်ႉ ယူႇတီႈပႃႇတီႈမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေၶတ်းၸႂ် ၸွႆႈထႅမ်ၵႂႃႇ ယူႇယဝ်ႉ။
