ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈၸေႈဝဵင်းၵျွၵ်ႉမႄး/သီႇပေႃႉ ၼၼ်ႉ ၸွႆႈထႅမ် ၵၢၼ်ပေႃႈမႄႈၵူၼ်းမိူင်း လႄႈ ၸွႆႈႁဵတ်းလွင်ႈမူတ်းသႂ် တီႈဝတ်ႉၵျွင်းမုၼ်ၸဝ်ႈ ၼႂ်းပိုၼ်ႉတီႈ ။
မိူဝ်ႈဝၼ်းထီႉ 19/07/2023 ၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (14)ၵေႃႉ ၸႅၵ်ႇ ၵၼ် သေ ၸွႆႈၵၢၼ်ပေႃႈမႄႈၵူၼ်းမိူင်း တႃႇ(7)ၵေႃႉ ၸွႆႈလွမ်ႉႁူဝ်ႉဝၢင်းႁိူၼ်းပၼ် လုင်းတေႃးၼ+ ဝၢၼ်ႈလွႆ လႄႈ ၸွႆႈၵႂႃႇတီႇသူၼ်ၼဵင်ႈ ပၼ် လုင်းပၼ်ႇ+ ပႃးထေး ဝၢၼ်ႈၵွင်းၽြႃး ဢိူင်ႇမိူင်းတင်ႈ ၊ ႁႅင်းၵူၼ်းသိုၵ်းထႅင်ႈ (7) ၵေႃႉ ၸွႆႈႁဵတ်းလွင်ႈမူတ်းသႂ် တီႇဝၢင်းၵျွင်းမုၼ်ၸဝ်ႈ ဝၢၼ်ႈမေႃႇမႃ ဢိူင်ႇမေႃႇမႃ ၸေႈဝဵင်းၵျွၵ်ႉမႄး ၸေႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၼႆယူႇယဝ်ႉ။
မိူဝ်ႈဝၼ်းထီႉ 20/07/2023 ယၢမ်းၵၢင်ၼႂ် 08:00 တေႃႇထိုင် 16:00 မူင်းၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (15) ၵေႃႉ ၸွႆႈထႅမ်သိူဝ်ႇတၢင်းၸွႆႈပေႃႈမႄႈၵူၼ်းမိူင်း ဝူင်ႈၵၢင် ဝၢၼ်ႈသၢႆးလႄႈ တိုင်းလူင် ဢိူင်ႇၼမ်ႉသိမ်ႇ ၸေႈဝဵင်းသီႇပေႃႉ ၼႆႉယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈပႃႇတီႈမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေၶတ်းၸႂ် ၸွႆႈထႅမ်ၵႂႃႇ ယူႇယဝ်ႉ။
