ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ(17) ထုင်ႉမိူင်းယဵၼ် ၼမ်ႉတူႈ လႄႈ ဢိူင်ႇ မၢႆ(2) ၸေႈဝဵင်းမၢႆ(18) သီႇပေႃႉၼၼ်ႉ ၸွႆႈထႅမ် ၵၢၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ။
မိူဝ်ႈဝၼ်းထီႉ 16/17-07-2023 ၶၢဝ်းတၢင်း သွင်ဝၼ်း ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇ တီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (10) ၵေႃႉ လႆႈၵႂႃႇ ၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၸွႆႈသွမ်ႈ ၶဝ်ႈၼႃးပၼ် လုင်းၸႃႇလိင်ႇ + ပႃႈပုၼ်ႉ ဝၢၼ်ႈ ၼႃးၵဵဝ်ႇ သေ မိူဝ်ႈဝၼ်း ထီႉ 02/14-07-2023 ၶၢဝ်းတၢင်းသွင်ဝၼ်း ႁႅင်းၵူၼ်းသိုၵ်း (9) ၵေႃႉ လႆႈၸွႆႈထႅမ် ၽႃႇ ၼႃး/သွမ်ႈၶဝ်ႈ ၼႃးပၼ် လုင်းၸၢႆးဝုၼ်း ဝၢၼ်ႈၸၢင်ႈလဵၵ်း ဢိူင်ႇမၢႆ(2) တႃႈတေႈ ၸေႈဝဵင်းမၢႆ(18) သီႇပေႃႉၼႆယူႇယဝ်ႉ။
မိူဝ်ႈဝၼ်းထီႉ 18.07.2023 ၼၼ်ႉၵေႃႈ ၵေႃႉသိုၵ်းၵေႃႉ ႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင် ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်း (6) ၵေႃႉ ၸွႆႈသွမ်ႈၼႃးပၼ် လုင်းမွင်ႇ+ပႃႈပေႉ ဝၢၼ်ႈၵုင်းမူင်ႈ ဢိူင်ႇဝၢၼ်ႈသႃႇလူင် ထုင်ႉမိူင်းယဵၼ် ၸေႈဝဵင်းမၢႆ (17) ၼမ်ႉတူႈ ၸိုင်ႈတႆးပွတ်းႁွင်ႇ ၼႆယူႇ ယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆးလွင်ႈၼိမ်သဝ်းၼႂ်းပိုၼ်ႉတီႈပၼ်သေ ၵႃႈ ၼင်ႇၸွႆႈလႆႈ ပွင်ပဵၼ်လႆႈၼၼ်ႉ ယူႇတီႈ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA တေ ၶတ်းၸႂ်ၸွႆႈထႅမ်ၵႂႃႇယူႇယဝ်ႉ။#shanstateprogressparty
#shanstatearmy
#ၸွႆႈထႅမ်#ၸေႈဝဵင်းၼမ်ႉတူ
ႈ#ၸေႈဝဵင်းသီႇပေႃႉ
