ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈၸေႈဝဵင်းၼမ်ႉတူႈၼၼ်ႉ ၸွႆႈထႅမ် ၵၢၼ်ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ ။
မိူဝ်ႈဝၼ်းထီႉ 16/07/2023 ၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (5)ၵေႃႉ ၸွႆႈၵၢၼ်ပေႃႈမႄႈၵူၼ်းမိူင်း ၸွႆႈသွမ်ႈၼႃး ပၼ် လုင်းဢွင်ႇလႃႉ+ ပႃႈမျႃႉဢွင်ႇ ဝၢၼ်ႈသၢမ်ၶႃ ဢိူင်ႇမိူင်းမူႉ ၸေႈဝဵင်းၼမ်ႉတူႈ ၸေႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၼႆယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈပႃႇတီႈမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေၶတ်းၸႂ် ၸွႆႈထႅမ်ၵႂႃႇ ယူႇယဝ်ႉ။
