ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင် တၢင်း ၸေႈဝဵင်းၵျွၵ်ႉမႄး ၼၼ်ႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၼႂ်းပိုၼ်ႉတီႈ။
မိူဝ်ႈဝၼ်းထီႉ 14-07-2023 ၼၼ်ႉ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၼႂ်းတပ်ႉၵွင် (205) ႁႅင်းသိုၵ်း (5) ၵေႃႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈၸွၼ်ႉယိူဝ်ႈ သူၼ် ဢွႆႈပၼ် လုင်းပၼ်ႇတႃႉ + ပႃႈသေး ဝၢၼ်ႈလွႆ ဢိူင်ႇမေႃႇမႃသေ မိူဝ်ႈဝၼ်းထီႉ 15-07-2023 ၼၼ်ႉၵေႃႈ ႁႅင်း ၵူၼ်းသိုၵ်း (5) ၵေႃႉ ၸွႆႈ ၸွၼ်ႉယိူဝ်ႈၼႂ်းဝၢင်းၵျွင်းမုၼ်ၸဝ်ႈ ဝၢၼ်ႈမေႃႇမႃ ဢိူင်ႇမေႃႇမႃ ၸေႈဝဵင်းၵျွၵ်ႉမႄး ၼႆ ယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း မိူၼ်ၼင်ႇၵၢၼ်ႁႆႈ/သူၼ် ၊ ၵၢၼ်ပၢႆးပိင်ႇၺႃႇ ၊ ၵၢၼ်သႃႇသၼႃႇ ၊ ၵၢၼ် တွၼ်ႈလိုၼ်ၶိုၼ်ႈယႂ်ႇၵူႊပၢႆးပၢႆးၼၼ်ႉ ဢိင်ၼိူဝ်ငဝ်းလၢႆး လွင်ႈၼိမ်သဝ်းၼႂ်းပိုၼ်ႉတီႈပၼ်သေ ၵႃႈၼင်ႇပွင် ပဵၼ်လႆႈၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA တေၶတ်းၸႂ်ၸွႆႈထႅမ်ႁဵတ်း သၢင်ႈၵႂႃႇယူႇယဝ်ႉ။
