ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၸွႆႈ ၵၢၼ်ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ၸေႈဝဵင်းၼမ်ႉၶမ်း။
မိူဝ်ႈဝၼ်းထီႉ 07-07-2023 ၼၼ်ႉ ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇ သုင်ၸိုင်ႈတႆးတပ်ႉ သိုၵ်းၸိုင်ႈတႆး SSPP/SSA ၼႂ်းတပ်ႉၽေ(3) တပ်ႉၵွင် (782) တပ်ႉၸုမ်း (689) တပ်ႉငဝ်ႈ သိုၵ်း (989) ႁႅင်း ၵူၼ်းသိုၵ်း (4) ၵေႃႉ လႆႈၵႂႃႇၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈတေႃႉၶဝ်ႈတဵင်ႇၶဝ်ႈပၼ် ၸၢႆး ၵျေႃႇဢေး + ၼၢင်းသႅင်သႃႇ ဝၢၼ်ႈဢွႆႈ ဢိူင်ႇႁူဝ်သၢႆး ၊ ၼႂ်းတပ်ႉၽေ(1) ႁႅင်း ၵူၼ်းသိုၵ်း (8)ၵေႃႉ တႃႇ(4)ၵေႃႉ လႆႈၵႂႃႇၸွႆႈ ထၢၵ်ႇတေး ၼႃး တီႇတေးၼႃးပၼ် လုင်းသွႆႈၶမ်း + ပႃႈသွႆႈငိုၼ်း ဝၢၼ်ႈၵုင်းသႃႇ ဢိူင်ႇၼွင်ၶၢင် ၊ တႃႇ(4) ၵေႃႉ လႆႈၵႂႃႇၸွႆႈ တုင်းၶဝ်ႈ တဵင်ႇၶဝ်ႈပၼ် ပႃႈယဵၼ်ႇ ဝၢၼ်ႈႁူဝ်သၢႆး ဢိူင်ႇႁူဝ်သၢႆး သေ မိူဝ်ႈဝၼ်းထီႉ 08-07-2023 ၼၼ်ႉၵေႃႈ ၼႂ်းငဝ်ႈၸုမ်း ပၢႆးမိူင်းတပ်ႉၵွင် ႁႅင်းသိုၵ်း(5) ၵေႃႉလႆႈၵႂႃႇ ၸွႆႈ တုင်းၶဝ်ႈ တဵင်ႇထူင်ၶဝ်ႈပၼ် လုင်းသၢမ်+ပႃႈတၢၼ်း ဝၢၼ်ႈသွၼ်း ဢိူင်ႇၵုၼ်ႁႆး ၸေႈဝဵင်းၼမ်ႉၶမ်း ၼႆယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆးလွင်ႈၼိမ်သဝ်းၼႂ်းပိုၼ်ႉတီႈပၼ်သေ ၵႃႈၼင်ႇပွင် ပဵၼ်လႆႈၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး တေၶတ်းၸႂ်ၸွႆႈထႅမ်ၵႂႃႇယူႇယဝ်ႉ။
