ၼင်ႇႁိုဝ်ပေႃႈမႄႈၵူၼ်းမိူင်း တေၵႂႃႇမႃးငၢႆႈ မိူဝ်ႈၶၢဝ်းႁိုဝ်ႉ ၶၢဝ်းၾူၼ်ၼၼ်ႉ ယူႇတီႈၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၼႃႈတီႈၸေႈဝဵင်းၼွင်ၶဵဝ် ၸွင်ႇလႆႈ ၸွႆႈထႅမ်သိူဝ်ႇသၢႆးတၢင်းပၼ်ပေႃႈမႄႈၵူၼ်းမိူင်းၼႂ်းပိုၼ်ႉတီႈ ယူႇယဝ်ႉ ။
မိူဝ်ႈဝၼ်းထီႉ 06/07/2023 ယၢမ်းၵၢင်ၼႂ် 8:00 မူင်း တေႃႇထိုင် 17:00 မူင်း ၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၼႂ်းတပ်ႉၵွင်(816) ႁႅင်းၵူၼ်းသိုၵ်း (8)ၵေႃႉ ၸွႆႈထႅမ်သိူဝ်ႇသၢႆးတၢင်းပၼ် ပေႃႈမႄႈၵူၼ်းမိူင်း ဢွင်ႈတီႈ သဵၼ်ႈတၢင်းဝၢၼ်ႈပၢင်ၽြႃးလႄႈ ဝၢၼ်ႈသၢႆးၶၢဝ် ဢိူင်ႇၵျွၵ်ႉၵျီး ၸေႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ ၼႆယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၊ ၵၢၼ်သႃႇသၼႃႇ ၊ ၵၢၼ်ပၢႆးပိင်ႇၺႃႇ လႄႈ ၵၢၼ်တွၼ်ႈလိၼ်ၶိုၼ်ႈယႂ်ႇ ၵူႈပၢႆးပၢႆးၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈပႃႇတီႈမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေၶတ်းၸႂ် ၸွႆႈထႅမ်ၵႂႃႇ ယူႇ ယဝ်ႉ။
