ၵေႃႉသိုၵ်းၵေႃႉႁၢၼ် SSPP/SSA ဢၼ်ပၵ်းသဝ်းတူင်ႉၼိုင်ၼႂ်းၼႃႈတီႈၸေႈဝဵင်းၵျွၵ်ႉမႄး ၼၼ်ႉ ၸွႆႈထႅမ် ၵၢၼ်ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ ။
မိူဝ်ႈဝၼ်းထီႉ 05/07/2023 ၼၼ်ႉ ၵေႃႉသိုၵ်း ၵေႃႉ ႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၼႂ်းတပ်ႉၽႄ(1) တပ်ႉၵွင်(205) တပ်ႉၸုမ်း (612) တပ်ႉငဝ်ႈသိုၵ်း (969) ႁႅင်းၵူၼ်းသိုၵ်း (9) ၵေႃႉ ၸွႆႈၸွၼ်ႉဝၢင်းၵျွင်းမုၼ်ၸဝ်ႈ ဝၢၼ်ႈတိုင်းလူင် ဢိူင်ႇၼမ်ႉသိမ်ႇ လႄႈ တႃႇႁႅင်းၵူၼ်းသိုၵ်း (5) ၵေႃႉ ၸွႆႈသိတ်းယိူဝ်ႈ/ၶႃႈယိူဝ်ႈ ပၼ် သူၼ်ၶဝ်ႈၵၢပ်ႇ ၸၢႆးဢွင်ႇမူဝ်း ဝၢၼ်ႈမေႃႇဢွပ်း ဢိူင်ႇႁၢႆးၵုၺ် ၸေႈဝဵင်းၵျွၵ်ႉမႄး ၸေႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၼႆယူႇယဝ်ႉ။
လွင်ႈၸွႆႈထႅမ်ၵၢၼ်ပေႃႈမႄႈ ၵူၼ်းမိူင်းၼႆႉ ဢိင်ၼိူဝ် ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈ ပွင်ပဵၼ်လႆႈၼၼ်ႉ ယူႇတီႈပႃႇတီႈမႂ်ႇသုင် ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေၶတ်းၸႂ် ၸွႆႈထႅမ်ၵႂႃႇယူႇယဝ်ႉ ။
