ယိူင်းဢၢၼ်းပိူဝ်ႈတႃႇလွင်ႈၸမ်ၸႂ်မိုတ်ႈၵိုဝ်းလႄႈတႃႇတေၵၢင်းယၢၼ်ၽေးယႃႈမဝ်းၵမ်ၼႆသေ ၸုမ်းၵူၼ်း ၼုမ်ႇ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ဢွၼ်ႁူဝ်ၸတ်းႁဵတ်း ပၢင်ၶေႉၶဵင်ႇ လဵၼ်ႈႁႅင်းပိတ်ႉမၢၵ်ႇၼင်လွမ်ႈ ၼႆ ယူႇယဝ်ႉ။
မိူဝ်ႈဝၼ်းထီႉ 22/23-07-2023 ၶၢဝ်းတၢင်း သွင်ဝၼ်း ၼၼ်ႉ ယူႇတီႈၸုမ်းၵူၼ်းၼုမ်ႇ ငဝ်ႈငုၼ်း ပႃႇတီႇမႂ်ႇသုင် ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ဢွၼ်ႁူဝ်သေ လႆႈၸတ်းႁဵတ်း ပၢင်ၶေႉၶဵင်ႇ လဵၼ်ႈႁႅင်းပိတ်ႉမၢၵ်ႇ ၼင်လွမ်ႈ တီႈငဝ်ႈငုၼ်း SSPP/SSA ၊ ၼႂ်းပၢင်ၶေႉၶဵင်ႇလဵၼ်ႈ ႁႅင်းပိတ်ႉမၢၵ်ႇၼင်လွမ်ႈၼၼ်ႉ မီးၸုမ်းၵူၼ်း ၼုမ်ႇ ၸေႈဝဵင်း ၵေးသီး ၊ ၸုမ်းၵူၼ်းၼုမ်ႇFC ဝၢၼ်ႈႁႆး ၊ ၸုမ်းၵူၼ်း ၼုမ်ႇလုၵ်ႈႁဵၼ်းၼေႃႇတႅၼ်းၶိူဝ်း ၊ ၸုမ်း ၵူၼ်းၼုမ်ႇမိူင်း ၼွင်ၶဝ် လႆႈၶဝ်ႈႁူမ်ႈၶေႉၶဵင်ႇၵၼ်ၵႂႃႇယူႇယဝ်ႉ။
မိူဝ်ႈဝၼ်းထိႉ22-07-2023 ၶၢဝ်းယၢမ်းဝၢႆးဝၼ်း 6:00မူင်းၼၼ်ႉ ၸုမ်းၵူၼ်းၼုမ်ႇၶေႉၶဵင်ႇပိတ်ႉမၢၵ်ႇၼင်လွမ်ႈ ၶဝ် ႁူမ်ႈၵိၼ်ၶဝ်ႈသုမ်လီၸွမ်းၵၼ်သေ ဝၢႆးသေ လႆႈ ၵိၼ်ၶဝ်ႈသုမ်လီႁူမ်ႈမူႇၵၼ်ယဝ်ႉ ယူႇတီႈငဝ်ႈငုၼ်းပႃႇ တီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA လႆႈၸွႆႈထႅမ်ငိုၼ်း တႃႇၵေႃႇသၢင်ႈႁူင်းႁေႃးမႂ်ႇၵေႃႊလိၵ်ႈ လၢႆးလႄႈၾိင်ႈငႄႈတႆး ၸေႈဝဵင်းၵေးသီး (50) သႅၼ် လႄႈ ၸွႆႈထႅမ်တႃႇပွင်ပဵၼ်ပၢင်ပွႆးၶေႉၶဵင်ႇပိတ်ႉမၢၵ်ႇၼင် ၼႂ်း ၸေႊဝဵင်းၵေးသီး (50)သႅၼ် ႁူမ်ႈသဵင်ႈသၢင်ႇငိုၼ်း (100) သႅၼ်ယူႇယဝ်ႉ။
ပၢင်ၶေႉၶဵင်ႇလဵၼ်ႈႁႅင်းပိတ်ႉမၢၵ်ႇၼင်လွမ်ႈၼႆႉ ယူႇတီႈ ၸုမ်းၵူၼ်းၼုမ်ႇငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉ သိုၵ်းၸိုင်ႈတႆးSSPP/SSA လႆႈၸတ်းႁဵတ်းမႃးၵူႈပီႊပီႊသေ ယိူင်းဢၢၼ်းတွၼ်ႈတႃႇၸုမ်းၵူၼ်းၼုမ်ႇတႆး ၵူႈ တီႈတီႈ တေမီးလွင်ႈမိုတ်ႈၵိုဝ်းၸမ်ၸႂ်ၵၼ်လႄႈ ၼင်ႇႁိုဝ်ပေႃးတေၵၢင်းယၢၼ်ၽေးယႃႈမဝ်းၵမ် ၸဵမ်ၸိူဝ်း ၼႆႉ မိူဝ်းၼႃႈမႃးၵေႃႈဢိင်ၼိူဝ်ငဝ်းလၢႆးသေတေသိုပ်ႇၶတ်းၸႂ် ၸတ်းႁဵတ်းၵႂႃႇယူႇယဝ်ႉ။
