မိူဝ်ႈၼႆႉဝၼ်းထီႉ 15/လိူၼ်ၵျူၼ်ႇ/2023 မီးၸုမ်းဢမ်ႇႁူႉၽၢႆႇ 3 ၵေႃႉၶီႇၵႃးလမ်းၼိုင်ႈသေ မႃးႁွင်ႉၵူၼ်းၸၢႆးၵေႃႉၼိုင်ႈၶီႇၵႃးၵႂႃႇၸွမ်း၊ ယွၼ်ႉၽၢႆႇၵူၼ်းၸၢႆးၵေႃႉဢၼ်ထုၵ်ႇႁွင်ႉၼၼ်ႉ ဢမ်ႇၶႂ်ႈၵႂႃႇၸွမ်း လႄႈ ထုၵ်ႇယိုဝ်းတၢႆထင်တီႈ ၼႂ်းဝဵင်းလၢႆးၶႃႈ ဝႃႈၼႆ။

ၵူၼ်းမိူင်းၼႂ်းဝဵင်းလၢႆးၶႃႈတႄႉလၢတ်ႈဝႃႈ-“ လႆႈငိၼ်းသဵင်ၶဝ်ထဵင်ၵၼ်ယူႇၵမ်းၼိုင်ႈ ၶဝ်လၢတ်ႈၵၼ်ဝႃႈ ပဵၼ်သိုၵ်းၵဝ်ႇ လႄႈ မႃးႁွင်ႉၶိုၼ်း၊ ၵူၺ်းၵႃႈ ၽူႈၸၢႆးၵေႃႉၼၼ်ႉ သမ်ႉဢမ်ႇၶႂ်ႈၵႂႃႇၸွမ်း လႄႈ ထုၵ်ႇယိုဝ်းတၢႆပႅတ်ႈဢေႃႈ ” ဝႃႈၼႆ။

တူဝ်တၢႆၵူၼ်းၵေႃႉၼႆႉတႄႉ ယၢမ်းလဵဝ် ယူႇတီႈၽၢႆႇၽူႈမီးပုၼ်ႈၽွၼ်း ပလိၵ်ႈၶဝ် ဢဝ်တူဝ်ၵႂႃႇၵူတ်ႇထတ်းဝႆႉယူႇ ၊ ဢိင်ၼိူဝ်ၵၢၼ်တၢႆ ၽူႈၸၢႆးၵေႃႉၼႆႉသေ ၸိုဝ်ႈႁွင်ႉဝႃႈႁိုဝ် ၵူၼ်းဢၼ်မႃးယိုဝ်းသမ်ႉပဵၼ်ၸုမ်းလႂ်ၼႆႉ ဢမ်ႇပႆႇလႆႈႁူႉၸွမ်းလွင်ႈတၢင်းသင်ၼႆယူႇယဝ်ႉ။

Photo.Local

#shanstateprogressparty

#shanstatearmy

#လၵ်ႉယိုဝ်းၵၼ်တၢႆ

# ၸေႈဝဵင်းလၢႆးၶႃႈ

#သုၼ်ႇလႆႈၵူၼ်း